جۇرگىزۋشى ءابدىراحىم بەيسەن ايىنا نەبارى 170-200 مىڭ تەڭگە الاتىنىن ايتادى.

ء"بىز ايىنا 170-200 مىڭ تەڭگە كولەمىندە عانا جالاقى الامىز. ارتىق جۇمىس ىستەيمىز. كۇنىنە 15-18 ساعاتتان جۇمىس ىستەيتىن كەزىمىز بولادى. ءبىز اۆتوبۋستى العان كەزدەن باستاپ وعان جاۋاپتى بولامىز، رەيستەن سوڭ ونى جۋدىرۋ ءۇشىن 2-3 ساعات كەزەكتە تۇرامىز", - دەيدى ول.

جۇرگىزۋشىلەر جالاقىسى ساعاتپەن ەسەپتەلەتىنىن، ياعني، قالا ىشىندە جۇرەتىن ۇلكەن اۆتوبۋس جۇرگىزۋشىلەرىنە ساعاتىنا تولەنەتىن اقشا 820 تەڭگە، كىشى اۆتوبۋستاردىڭ ساعاتى 720-تەڭگە، ال قالا سىرتىنا جۇرەتىن اۆتوبۋستاردىڭ ساعاتى 620 تەڭگە ەكەنىن ايتتى. ولار بۇل سومانى كەم دەگەندە 1000 تەڭگەگە دەيىن كوتەرۋدى سۇرايدى.

№1 اۆتوبۋس پاركىنىڭ ديرەكتورى ءسابيت بولاتوۆ بولسا، جۇرگىزۋشىلەر جالاقىسىن كوتەرۋگە قارجى تاپشى ەكەنىن ايتادى.

ونىڭ سوزىنشە، №1 اۆتوبۋس پاركى – قالاداعى مەملەكەتكە قارايتىن سەگىز اۆتوبۋس پاركىنىڭ ءبىرى جانە ول قالاداعى جولاۋشىلاردىڭ 50 پايىزىن تاسىمالدايدى. بولاتوۆ 2018 جىلى پارككە مەملەكەتتەن سۋبسيديا بولىنەتىنىن، جالاقىنى كوتەرۋ جايىن سول كەزدە قاراستىرۋعا بولاتىنىن جەتكىزدى.

Abai.kz