ۋكراينا مەن سەپاراتيستەر تۇتقىن الماستى
دونباستا تۇتقىن الماسۋ اياقتالدى. بۇل جونىندە ۋكراينا تاراپى مەن سەپاراتيستەر وكىلى حابارلادى. جوعارعى رادا ۆيتسە-سپيكەرى يرينا گەراششەنكونىڭ سوزدەرىنشە، ناتيجەسىندە 73 ۋكراين تۇتقىنى بوساتىلعان، ال كيەۆ 233 ادامدى بەرگەن.
"27 جەلتوقساندا دونەتسك وبلىسى، مايور اۋدانىندا كەپىلگە الىنعان ادامدار بوساتىلدى. سودىرلار تۇرمەسىنەن 73 ۋكرايندىق بوستاندىققا شىقتى", – دەپ گەراششەنكونىڭ سوزدەرىن مىسالعا كەلتىرەدى جوعارعى رادا ءباسپاسوز قىزمەتى.
وسىعان دەيىن سەپاراتيستەر ۋكرايناعا 74 ادامدى بەرگەنى ايتىلعان. بىراق ساندىق ايىرماشىلىقتىڭ سەبەبى ايتىلمايدى. الايدا دونەتسك سەپاراتيستەرى ءبىر ادام كيەۆكە بارۋدان باس تارتتى دەپ حابارلادى.
ۋكراينا پرەزيدەنتى پەتر پوروشەنكو كراماتورسكىدە بوساتىلعان تۇتقىندارمەن كەزدەستى. ول ادامداردى ۆەرتولەتپەن حاركوۆكە، ول جاقتان كيەۆكە جەتكىزەتىنىن ايتقان.
Abai.kz
