سارسەنبى, 27 قاڭتار 2021
46 - ءسوز 4209 7 پىكىر 28 جەلتوقسان, 2017 ساعات 09:58

نەگر قىزدىڭ بايلىعى

بۇل - سارا رەكتور. نەگر قىزى. ءتۇبى افريكالىق. ونىڭ اتا-اناسى اقش-تاعى قۇل يەلەنۋ قۇقىعىنا لايىق بەس ءۇندىس تايپاسىنىڭ ءبىرى - كريكي تايپاسى وكىلىنىڭ قۇلدارى ەدى.

امەريكاداعى ازامات سوعىسىنان كەيىن قۇليەلەنۋشىلىك جويىلىپ، قارا ناسىلدىلەرگە ازاماتتىقپەن قاتار سايلاۋدا داۋىس بەرۋ جانە جەر يەلەنۋ قۇقىعى بەرىلىپ، التى جۇزدەي نەگر بالاسىنىڭ ارقايسىسى 160 اكردەن جەر يەلەنىپ شىعا كەلدى (1 اكر - 40,47 سوتوكقا تەڭ).

الايدا، ەڭ جاقسى جەرلەر تازا قاندى ۇندىستەر مەن اق ناسىلدىلەرگە بەرىلىپ، نەگرلەرگە سۋسىما قۇمدى، تاستاقتى، قۇنارسىز جەرلەر بەرىلدى.
ساراعا دا تيەسىلى بولعان جەر ەشتەڭە ەگۋگە جارامايتىن، مال ۇستاپ، ەگىن ەگۋگە كەلمەيتىن جەر ەدى. ونىڭ اكەسى جىلىنا تولەپ تۇراتىن 30 دوللار جىلدىق جەر سالىعىنا شاماسى كەلمەي، جەردى ساتىپ جىبەرمەك بولادى. الايدا شتات زاڭىنا سايكەس جەر يەلەنۋشى ادام جەرىن جالعا بەرسە دە، ساتا المايتىن ەدى. امال جوق، دجوزەف رەكتور قىزىنا تيەسىلى جەردى Standard Oil مۇناي كومپانياسىنا جالعا بەرەدى.

قۇدايدىڭ قۇدىرەتى-اي، دەسەڭىزشى! سارانىڭ جەرىنەن مۇناي شىقتى. جىلىنا 30 دوللار تابىس تاپپايتىن شاڭىراق كۇندىگىنە 300 دوللار جالاقى الاتىن بولدى. سول-اق ەكەن، ساراعا دۇنيەنىڭ تۇكپىر-تۇكپىرىنەن ءتۇرلى ۇسىنىس ارقالاعان حاتتار جاۋىپ كەپ بەردى. ەل نەسيە سۇرايتىن بولدى. ءتىپتى، سارانىڭ نەبارى 12 جاسار ءبۇلدىرشىن ەكەنىنە قاراماستان، قۇدا تۇسۋشىلەر دە قاپتاپ كەتتى...

بۇل وقيعانىڭ ەڭ قايران قالدىراتىن تۇسى: وكلاحوما شتاتىنىڭ زاڭ شىعارۋ ورگانى ءبۇلدىرشىن قىزدىڭ باس اينالدىرارلىق بايلىعىن ەسەپكە الا وتىرىپ (!) سارا رەكتوردى «اق ءناسىلدى» دەپ جاريالاپ، ارنايى زاڭ شىعارىپ بەردى...

سارا حانىم 18 جاسقا تولعاندا ميلليونەر بولعان ەكەن. ونىڭ قالعان ءومىرى داۋلەتتى اقسۇيەكتەردىڭ تۇرمىسى سەكىلدى باقۋاتتى وتكەن دەيدى. جوعارى ءبىلىم، جەكە كومپانيا، جەر يەلىگى، ءزاۋلىم ءۇي، اكتسيا... نە كەرەك، كۇيبەڭ تىرلىكتىڭ تارشىلىعىنا ۇرىنباي..، شارۋاسى دوڭگەلەنگەن ءبىر كىسىدەي ءومىر سۇرۋگە قاجەتتىنىڭ ءبارى بولعان...

***

...ءوز جانىمىزدان قوسپاعىمىز - ءار قازاق سونداي باي بولسىن! قۇدايىم بارشامىزعا بەرەكەلى داۋلەت پەن تابىستى تازا كاسىپتى ءناسىپ ەتكەي!..

قانات ەسكەندىر

Facebook-تەگى پاراقشاسىنان

7 پىكىر