جۇما, 29 ناۋرىز 2024
جاڭالىقتار 4654 3 پىكىر 27 جەلتوقسان, 2017 ساعات 13:52

ساياساتتانۋشى ەرلان سايروۆ قر كاسىپوداقتار فەدەراتسياسى توراعاسىنىڭ ورىنباسارى بولىپ تاعايىندالدى

استانادا قر كاسىپوداقتار فەدەراتسياسى اتقارۋ كوميتەتىنىڭ كەزەكتى وتىرىسى ءوتتى.

وتىرىستا ۇيىمداستىرۋ ماسەلەلەرى قارالعان جانە فەدەراتسيا جارعىسىنا سايكەس، ءتورت وبلىستاعى اۋماقتىق كاسىپوداقتار بىرلەستىكتەرىنىڭ توراعالارى سايلانعان.

وسىلايشا، ىشكى كادرلىق اۋىس-ءتۇيىس اياسىندا ساياساتتانۋشى ەرلان سايروۆ قر كاسىپوداقتار فەدەراتسياسى توراعاسىنىڭ ورىنباسارى بولىپ تاعايىندالدى.

ەرلان بياحمەتۇلى سايروۆ 1970 جىلى شىعىس قازاقستان وبلىسىندا تۋعان. ءتۇرلى جىلدارى قر مادەنيەت، اقپارات جانە قوعامدىق كەلىسىم مينيسترلىگىندە، قر پارلامەنتى ماجىلىسىندە باسشىلىق لاۋازىمداردى اتقارعان. «مادەني دامۋ ينستيتۋتى» قوعامدىق قورىنىڭ عىلىمي جەتەكشىسى، قر كاسىپوداقتار فەدەراتسياسى توراعاسىنىڭ كەڭەسشىسى بولعان.

بۇعان دەيىن توراعا ورىنباسارى بولعان گۇلنار جۇماگەلديەۆا قر كاسىپوداقتار فەدەراتسياسى توراعاسىنىڭ كەڭەسشىسى قىزمەتىنە اۋىستى.

گۇلنار امانگەلدىقىزى 1974 جىلى تۋعان. ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىن  بىتىرگەن. ەڭبەك جولىن تەمىرتاۋ قالاسىنداعى  «قاراعاندى وبلىسى بويىنشا جىلجىمايتىن مۇلىك ورتالىعى» رمقك-دە  زاڭگەر قىزمەتىنەن باستاعان. ءار جىلدارى «بانكتۇرانالەم» اق قاراعاندى فيليالىندا كەپىلدى مۇلىك مامانى، قاراعاندى وبلىسى كەن-مەتاللۋرگيا ونەركاسىبى قىزمەتكەرلەرى كاسىپوداعىنىڭ زاڭگەر-كەڭەسشىسى، «قازاقستان حالىق بانكى» اق استانا فيليالىندا زاڭ  ءبولىمىنىڭ جەتەكشى مامانى،  قر كاسىپوداقتار فەدەراتسياسى الەۋمەتتىك-ەكونوميكالىق قورعاۋ جانە ەڭبەك ينسپەكتسياسى دەپارتامەنتىنىڭ زاڭ كەڭەسشىسى، ديرەكتورى بولىپ قىزمەت ەتكەن. 2010 جىلدىڭ ماۋسىمىندا قر كاسىپوداقتار فەدەراتسياسى توراعاسىنىڭ ورىنباسارى بولىپ سايلانعان. وندا جاستار، گەندەرلىك ساياسات، حالىقارالىق جۇمىستار، شاعىن جانە ورتا بيزنەستە كاسىپوداقتى دامىتۋ ماسەلەلەرىنە جەتەكشىلىك ەتكەن.

سولتۇستىك قازاقستان وبلىسىنداعى اۋماقتىق كاسىپوداقتار بىرلەستىگىنىڭ توراعاسى لاۋازىمىنا ەرىك نۇراقاەۆ تاعايىندالدى.

ەرىك ەسىمۇلى 1960 جىلى سولتۇستىك قازاقستان وبلىسىندا تۋعان. ءار جىلدارى سقو اقجار، ەسىل اۋداندارىنىڭ اكىمى، پەتروپاۆل قالاسىنىڭ اكىمى، «نۇر وتان» پارتياسىنىڭ سقو فيليالىنىڭ جەتەكشىسى، سقو اكىمىنىڭ ورىنباسارى بولىپ قىزمەت ەتكەن.

اقمولا وبلىسىنىڭ اۋماقتىق كاسىپوداقتار بىرلەستىگىنىڭ توراعاسى لاۋازىمىنا قالي راحمەتوۆ بەكىتىلدى.

قالي سۇلتاناحمەتۇلى 1961 جىلى اقمولا وبلىسىنىڭ دۇنيەگە كەلگەن. بۇعان دەيىن اقمولا وبلىسى، ەسىل اۋدانىنداعى سالىق كوميتەتىندە جەتەكشىلىك لاۋازىمداردا جۇمىس ىستەگەن. الماتى قالاسىنىڭ سالىق دەپارتامەنتى بوستاندىق اۋدانى بويىنشا سالىق باسقارماسىنىڭ باسشىسى بولعان. ودان بولەك، اقمولا وبلىسى اكىمىنىڭ كەڭەسشىسى، ەسىل قالاسىنىڭ اكىمى بولعان.

استانا قالاسى بويىنشا اۋماقتىق كاسىپوداقتار بىرلەستىگىنىڭ توراعاسى بولىپ تاستانبەك ەسەنتاەۆ تاعايىندالدى.

تاستانبەك قۇتجانۇلى 1960 جىلى باتىس قازاقستان وبلىسى ورال قالاسىندا تۋعان. ءتۇرلى جىلدارى قاراعاندى وبلىسى تۋريزم، دەنە تاربيەسى جانە سپورت باسقارماسىنىڭ باسشىسى، قر مادەنيەت جانە سپورت ۆيتسە-ءمينيسترى، قر سپورت جانە دەنە تاربيەسى اگەنتتىگىنىڭ توراعاسى، قر تۋريزم جانە سپورت مينيسترلىگى سپورت كوميتەتىنىڭ توراعاسى بولىپ ەڭبەك ەتكەن.

جامبىل وبلىسى بويىنشا اۋماقتىق كاسىپوداقتار بىرلەستىگىنىڭ توراعاسى رەتىندە مەيرامبەك تولەپبەرگەن تاعايىندالدى.

مەيرامبەك مىلتىقبايۇلى 1957 جىلى جامبىل وبلىسىنىڭ تالاس اۋدانىندا دۇنيەگە كەلگەن. بۇگىنگى كۇنگە دەيىن رەسپۋبليكالىق «جەتىسۋ»، «حالىق كەڭەسى»، «ەگەمەن قازاقستان» باسىلىمدارىندا جەتەكشىلىك قىزمەتتەر اتقارىپ، «قازاقستان تەمىر جولى» ۇك» اق دەپارتامەنت ديرەكتورى، جامبىل وبلىسى اكىمىنىڭ ورىنباسارى بولعان.

بۇعان دەيىن اقمولا وبلىسىنىڭ اۋماقتىق كاسىپوداقتار بىرلەستىگىنىڭ توراعاسى بولعان ك. بەكىشەۆ (1947 جىلى تۋعان); سولتۇستىك قازاقستان وبلىسىنداعى اۋماقتىق كاسىپوداقتار بىرلەستىگىنىڭ توراعاسى د. احمەتوۆا (1954 جىلى تۋعان), استانا قالاسى بويىنشا اۋماقتىق كاسىپوداقتار بىرلەستىگىنىڭ توراعاسى س. مىڭباەۆ (1952 جىلى تۋعان) زەينەتكەرلىك جاسقا تولۋىنا بايلانىستى اتقارۋ كوميتەتىنىڭ شەشىمىمەن قىزمەتتەرىنەن بوساتىلدى. جامبىل وبلىسى بويىنشا اۋماقتىق كاسىپوداقتار بىرلەستىگىنىڭ توراعاسى بولعان ب.ساپارباەۆا وزگە جۇمىسقا اۋىسۋىنا بايلانىستى قىزمەتتەن كەتتى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604