ارتىنشا بىرقاتار وبلىستاردا ىشكى پاترۋلدىك بەكەتتەر الىنىپ تاستالعان. بىراق جول-پاترۋلدىك كۇزەتتەر وبلىس اراسىندا جۇمىسىن جالعاستىرىپ جاتىر.

شاۆكات ميرزياەۆ بەكەتتەر ساۋدا-ەكونوميكالىق قارىم-قاتىناسقا، ىشكى جانە سىرتقى تۋريزمگە كەرى اسەرىن تيگىزەدى دەگەن بولاتىن.

«وزدەرىڭىز ويلاڭىزدار، قازىر ءبىزدىڭ اۋماقتا 60-تان استام بەكەت بار. قاتارداعى ازامات حورەزمنەن تاشكەنتكە كولىگىمەن جەتۋ ءۇشىن، 17 بەكەتتەن ءوتۋى ءتيىس. فەرعانا وبلىسىنا باراتىندار 8 قوسىننان وتەدى»، – دەگەن ەدى پرەزيدەنت.

وسىعان بايلانىستى مەملەكەت باسشىسى كۇزەتتەر سانىن قىسقارتۋدى بۇيىرعان.

اندىجاندىق جۇرگىزۋشىنىڭ حابارلاۋىنشا، 23 جەلتوقساندا التىنكولدەن اندىجانعا كىرەبەرىستەگى قوسىندى الىپ تاستاعان.

– بۇل جەردە ينسپەكتورلار سەبەپسىز كولىكتەردى توقتاتىپ، اقشا الاتىن. قازىر مۇنداعى كۇزەتتى الىپ تاستاپتى. بەكەتتە تەك ءبىر عانا ميليتسيونەر تۇر. جۇرگىزۋشىلەردىڭ ءبارى رازى، – دەدى اندىجاندىق جۇرگىزۋشى.

Abai.kz