جۇما, 29 ناۋرىز 2024
دەپ جاتىر 4790 7 پىكىر 27 جەلتوقسان, 2017 ساعات 09:25

ۇلتتىق بانك "22 ملرد دوللاردىڭ بۇعاتتالۋىن" قيىن جاعداي دەپ ەسەپتەمەيدى

قازاقستان ۇلتتىق بانك توراعاسى دانيار اقىشەۆ ۇلتتىق قوردىڭ 22 ميللياردتان استام قارجىسىنىڭ شەتەلدە بۇعاتتالۋىن "قيىن كەزەڭ" دەپ ەسەپتەۋگە بولمايدى دەيدى. اقىشەۆ ۇكىمەت وتىرىسىنان كەيىن، جاعدايدى ءتۇسىندىرىپ بەردى.

«اكتيۆ جوعالدى دەپ ويلامايمىن. شىن مانىندە زاڭدىق داۋ بار. ول شەشىمىن تابادى دەپ ويلايمىن. ءبىزدىڭ جەتكىلىكتى ءبىلىمدى كەڭەسشىلەرىمىز بار. ۇلتتىق قوردا بۇرىن قانشا قارجى بولدى، سولاي بولىپ قالا بەرەدى»، - دەدى اقىشەۆ.

ۇلتتىق بانك توراعاسى ءىستى سوتقا بەرگەنىن ايتادى.

«ءبىز شەشىمنىڭ قانشالىقتى زاڭدى جاسالعانىن انىقتاۋ ءۇشىن سوتقا بەردىك. ءبىز لوندونداعى جوعارى سوتقا شاعىمداندىق، سوت بۇل ماسەلەدە باس تارتتى، بىراق بىزدە اتالعان شەشىمگە اپەللياتسيا بەرۋگە مۇمكىندىك بار. ءبىز كاستوديان-بانك [New York Mellon] زاڭعا قايشى ارەكەت جاسادى دەپ ويلايمىز، شاعىم سوماسىن اكتيۆپەن سالىستىرۋعا كەلمەيدى»،- دەپ مالىمدەدى ول.

وتكەن اپتادا New York Mellon بانكى ۇلتتىق قورداعى (شيكىزاتتى ساتۋدان تۇسەتىن قارجى) 22,6 ميلليارد دوللاردى بۇعاتتاعانىن حابارلادى. مۇنداي شەشىم قازاقستان ۇكىمەتى مەن مولدوۆالىق ينۆەستوردىڭ اراسىنداعى داۋ ورشىگەن كەزدە قابىلدانعان. مولدوۆالىق كاسىپكەر اناتول (اناتولي) ستاتي مەن وعان تيەسىلى بىرنەشە كومپانيا قازاقستان ۇكىمەتىن وزدەرىن شىعىنعا ۇشىراتتى دەگەن ارىز بويىنشا بۇعان دەيىنگى ءبىر سوتتا جەڭىپ شىققان. بانكتەگى دەرەككوزدىڭ ايتۋىنشا، ەندى ارىزدانۋشى شىعىنىن وتەۋ تۋرالى شاعىم ءتۇسىرىپ، قازاقستاننىڭ مۇناي تابىسىنان قۇرالعان ۇلتتىق قورىنىڭ 40 پايىزىن بۇعاتتاۋعا قول جەتكىزگەن.

قازاقستان تارابى ستاتي كومپانياسى الاياقتىق ارەكەت جاسادى، استانا كەلىسىم-شارتتى بۇزۋعا ءماجبۇر بولدى دەيدى. ستاتي شاعىمى بويىنشا قازاقستانعا قارسى سوت ءىسى بىرنەشە جىل قاتارىنان جالعاسىپ كەلەدى.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616