وقيعا "سلاۆيانسكي بۋلۆار" مەتروسى جانىنداعى كۋتۋزوۆ داڭعىلىندا بولعان. اۆتوبۋس جۇرگىزۋشىسى ۇستالدى. تەرگەۋ كەزىندە ول اپاتقا ۇشىراعان اۆتوبۋسقا ءبىرىنشى رەت وتىرعانىن ايتقان. "مەن تەجەگىشتى بوساتىپ ەدىم، اۆتوبۋس ءجۇرىپ كەتتى. مەن توقتاتۋ ءۇشىن قولىمنان كەلگەننىڭ ءبارىن ىستەدىم. بىراق توقتامادى. اۆتوبۋس اۆتومات، سول سەبەپتەن مەن ەشنارسە ىستەي المادىم", – دەگەن جۇرگىزۋشى Life پابليك Mash پورتالىنا.

پوليتسيا جۇرگىزۋشى كولىكتى باسقارا الماعان نە كولىك ىستەن شىققان دەگەن بولجام جاساپ وتىر. "موسترانساۆتو" مەملەكەتتىك كاسىپورىن وكىلدەرى اۆتوبۋستىڭ 2017 جىلى شىققانىن، رەيس الدىندا تەكسەرۋدەن وتكەنىن ايتىپ وتىر. ال جۇرگىزۋشىنىڭ 30 جىلدىق تاجىريبەسى بار، كومپانيادا 2000 جىلدان بەرى جۇمىس ىستەگەن.

كۋتۋزوۆ داڭعىلىنداعى وقيعادان كەيىن، ماسكەۋدەگى بارلىق جولاۋشىلار كولىگى تەكسەرىلە باستادى.

Abai.kz