بۇگىن بەلگىلى جۋرناليست، "ازاتتىق" راديوسىنىڭ رەداكتورى راحات مامىربەك دۇنيە سالدى. بۇل تۋرالى مارقۇمنىڭ ارىپتەستەرى الەۋمەتتىك جەلىدە حابارلادى.

ارىپتەستەرىنىڭ ايتۋىنشا، راحات مامىربەك بۇدان ونشاقتى كۇن بۇرىن ينسۋلت الىپ اۋرۋحاناعا تۇسكەن جانە سول ۋاقىتتان بەرى ەسىن جيماعان.

راحات مامىربەك 1978 جىلى، 10 اقپاندا سەمەي وبلىسى (قازىرگى شىعىس قازاقستان) وبلىسى، اياگوز اۋدانى، تارباعاتاي اۋىلىندا دۇنيەگە كەلدى. الماتى مەملەكەتتىك ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىن ءبىتىردى.

ۋنيۆەرسيتەتتەن كەيىن ءبىراز ۋاقىت سەمەي قالاسىنداعى شاكارىم ۋنيۆەرسيتەتىندە وقىتۋشىلىق قىزمەت جاسادى. جۋرناليستيكاداعى قىزمەتىن 2001 جىلى «قازاقستان» ۇلتتىق تەلەارناسىندا باستادى. مۇندا ول «مەزگىل» اقپاراتتى-ساراپتامالىق باعدارلاماسىنىڭ رەداكتورى بولدى.

ودان كەيىن ءار جىلدارى كتك، 31 ارنا جانە «الماتى» تەلەارنالارىندا جۇمىس ىستەدى.

2010 جىلدان بەرى «ازاتتىق» راديوسىنىڭ الماتى بيۋروسىندا ۆەب-رەداكتور بولىپ قىزمەت اتقاردى. راحات مامىربەك 2012 جىلدان بەرى ازاتتىقتىڭ الماتى بيۋروسىندا رەداكتور جانە جۇرگىزۋشى بولىپ قىزمەت اتقاردى. ول ازاتتىقتاعى "ەركىن ءسوز" باعدارلاماسىنىڭ اۆتورى ءارى جۇرگىزۋشىسى بولدى، AzattyqLIVE تىكەلەي ەفيرىن جۇرگىزدى.

"Abai.kz" اقپاراتتىق پورتالىنىڭ ۇجىمى مارقۇمنىڭ وتباسىنا، جاقىت-تۋىستارىنا كوڭىل ايتادى.

Abai.kz