سارسەنبى, 18 مامىر 2022
2790 0 پىكىر 5 جەلتوقسان, 2017 ساعات 09:09

تۇركىمەن ازاماتتارى پلاستيكالىق كارتاداعى شەكتەۋدى اينالىپ وتەتىن ءادىس تاپتى

پلاستيكالىق كارتاداعى قارجىنى شەتەلدە قولما-قول اقشاعا اينالدىرۋعا تۇركىمەن بانكتەرى تىيىم سالعانىمەن، حالقى كولەڭكەلى ادىسپەن "شەشىپ الاتىن" جولدى تاپتى.

قاراشا ايىنىڭ باسىندا ەنگىزىلگەن جاڭا شەكتەۋگە سايكەس، تۇركىمەن ازاماتتارى شەتەلدە بانكوماتتان كۇنىنە تەك 50 دوللار عانا قولما-قول الا-الاتىن.

ازاتتىقتىڭ تۇركياداعى ءتىلشىسى دوۆلەت بايحانوۆتىڭ سوزدەرىنشە، ستامبۇلدا تۇركىمەنستاننان كەلەتىن ازاماتتاردىڭ كارتاداعى اقشاسىن قولما-قولعا اۋىستىراتىن قىزمەت ءتۇرى پايدا بولعان.

"ستامبۇلعا كەلەتىن تۇركىمەن ازاماتتارى "كاپالىچارشيعا" جينالادى. ول جەردەن وتانداستارى بارلىق پلاستيكالىق كارتانى جيناپ الادى دا، الىپ كەتەدى. ءبىراز ۋاقىت وتكەننەن كەيىن ولار قولما-قول اقشامەن ورالادى", -دەپ حابارلايدى ول.

"بۇل زاڭسىز بيزنەس، ياعني قىزمەت كورسەتۋشىلەر ءار 100 دوللاردان كەمىندە 25-30 دوللار الىپ وتىرادى", - دەيدى ازاتتىق دەرەككوزى. ال ولاردىڭ تۇركىمەنستان بانكتەرى قويعان شەكتەۋدەن قالاي اينالىپ وتەتىنى تۇسىنىكسىز.

Abai.kz

0 پىكىر