"وسىعان دەيىن جوعارى سورتتى ءبىر قاپ ۇننىڭ باعاسى 50 مانات بولسا (14 دوللار شاماسىندا), قازىر 100 مانات", -دەيدى سۇحبات بەرۋشى.

مارىداعى دەرەككوزدىڭ سوزدەرىنشە، مارى مەن تۋركمەناباد اراسىندا جولاۋشى تاسىمالدايتىن كولىك جۇرگىزۋشىلەرى ەندى ۇن تاسۋمەن اينالىسىپ جاتىر. ايماق تۇرعىندارى ۇن تاپشىلىعىنان قورقىپ، قور جيناپ جاتقان كورىنەدى.

ۇن تاپشىلىعى استانا تۇرعىندارىنا دا بايقالادى. ازاتتىق ءتىلشىسىنىڭ حابارلاۋىنشا، قازىرگى كەزدە "تۋركمەنباكالەيا" مەملەكەتتىك دۇكەندەر جەلىسىندە شەتەلدە وندىرىلەتىن ۇن مۇلدەم ساتىلمايدى. وتاندىق ۇن دا تاپشى.

ازاتتىققا سۇحبات بەرگەن تۇرعىندار اسىرسە قازاقستاندىق ۇنعا دەگەن سۇرانىس جوعارى دەيدى.

Abai.kz