بەيسەنبى, 28 ناۋرىز 2024
5320 4 پىكىر 29 قاراشا, 2017 ساعات 08:44

اگرارلىق عىلىمدى باسقارۋدا ادام تۇسىنبەيتىن جاعدايلار بولىپ جاتىر...

بۇگىن مەنى كۇتپەگەن جەردەن اكادەميك ع.ا.قاليەۆ مىرزا ۇلتتىق اگرارلىق عىلىمي ءبىلىم بەرۋ ورتالىعىنىڭ (نانوتس) ديرەكتورلار كەڭەسىنىڭ وتىرىسىنا شاقىرتىپ، «ءسىزدى رەكتور قىزمەتىنەن الىپ تاستاۋ تۋرالى» ماسەلەنى ۇسىنامىن دەپ مالىمدەدى.

تاڭعالارلىعى: زاڭ بويىنشا مەنەن الدىن الا تۇسىنىكتەمە الىنباي، نە ءۇشىن وسىنداي سۇراقتىڭ قاراستىرىلاتىنى دا بەلگىسىز بولدى؟! مەن، ارينە، اقساقالعا مۇنداي ارەكەتتىڭ زاڭسىز ەكەندىگىن ءتۇسىندىردىم.

وسى جاعدايدىڭ ەڭ كۇلكىلىسى اتقارىپ وتىرعان قىزمەتىمە سايكەس كەلمەۋىمنىڭ سەبەپتەرىنىڭ ءبىرى مەن جانە مەنىڭ ورىنباسارىم س.ۆ.موگيلنىي فەيسبۋكتە اكادەميك ع.ا.قاليەۆتى ءجيى سىنايدى ەكەنبىز.

شىندىعىندا، مەن ءۇشىن ءبىزدىڭ اگرارلىق عىلىمدى باسقارۋشىلاردىڭ وسىنداي دەڭگەيگە جەتكەنى وكىنىشتى؟!

ءوز سوزىندە اقساقال: «س.سەيفۋللين اتىنداعى قازاتۋ عالىمدارى بىردە-ءبىر جاڭا تۇقىم، عىلىمي تەحنولوگياعا قول جەتكىزە المادى» دەپ مالىمدەدى.

بۇل رەتتە، اگرارلىق عىلىمدى باسقارعان 2,5 جىلدىڭ ىشىندە ۋنيۆەرسيتەتتىڭ بىردە ءبىر عىلىمي زەرتحاناسىنا كەلمەگەنىن (!), ءبىزدىڭ عالىمدارمەن تىكەلەي  كەزدەسپەگەنىن (!) ع.ا.قاليەۆ مىرزانىڭ ەسىنە سالۋعا تۋرا كەلدى. جوو وقىتۋشىلارىنان 10 ەسە جوعارى ايلىق الا وتىرىپ، ۋنيۆەرسيتەتتىڭ دامۋىنا ەش الاڭداماي قالاي باسقارۋعا بولادى؟!

كەزىندە قانشاما تالانتتى، بىراق «قاۋقارسىز» عالىمدار وسىنداي تۇسىنىكسىز جاعدايدا «جۇمىستان كەتتى»؟!

وتىرىستا زاڭدى بىلەتىن، ادىلەتتى ادامدار ديرەكتورلار كەڭەسىندە ع.ا.قاليەۆتىڭ باستاماسىمەن ۇسىنىلعان «اتقارىپ وتىرعان قىزمەتىنە سايكەس كەلمەۋ» سۇراعىن «كۇن تارتىبىنە ەنگىزۋدىڭ ءوزى نەگىزسىز» دەپ شەشتى.

ا.كۇرىشباەۆ

Abai.kz

 

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530