جۇما, 29 ناۋرىز 2024
«سوقىر» فەميدا 6820 9 پىكىر 17 قاراشا, 2017 ساعات 11:47

ماتاەۆ بوسادى، كەزەك ماكس پەن تالعاتتا...

كەشەگى كۇننىڭ نەگىزگى تالقىسى - قازاقستان جۋرناليستەر وداعىنىڭ توراعاسى سەيتقازى ماتاەۆتىڭ شارتتى تۇردە تۇرمەدەن بوساتىلۋى بولدى.

ماتاەۆتىڭ ماسەلەسى قاپشاعايداعى قالالىق سوتتا قارالعان. بيىل قازاندا 63 جاسقا تولىپ، زەينەت جاسىنا شىققان سەيتقازى ماتاەۆتىڭ قورعاۋشىلارى سەكەڭنىڭ دەنساۋلىعىنىڭ سىر بەرگەنىن ايتىپ، دالەلدەر كەلتىرگەن سوڭ، سوت وسىنداي شەشىم شىعارىپتى.

دەگەنمەن، سەكەڭنىڭ ۇلى اسەت ءالى قاماقتا وتىر. ونىڭ ءىسى اقپان ايىنىڭ سوڭىنا تامان قارالاتىن كورىنەدى.

ەستەرىڭىزدە بولسا، 2016 جىلدىڭ قازان ايىندا قۇزىرلى بيلىك قر جو توراعاسى سەيتقازى ماتاەۆتى 6 جىلعا، ونىڭ ۇلى اسەتتى 5 جىلعا تۇرمەگە جاپقان بولاتىن.

Cول كەزدە قازاقستاندىق ءام شەتەلدىك باسىلىمدار بۇل ءىستى قازاقستان جۋرناليستيكاسىنا جاسالعان قىسىم دەپ باعالاعان-تىن. ماتاەۆتىڭ ماسەلەسى قازاق جۋرناليستەرىن دە جاي قالدىرمادى. الەۋمەتتىك جەلى مەن گازەت-سايتتار سەكەڭنىڭ ءسوزىن سويلەپ، قولداۋ ءبىلدىردى. سول كەزدە سەيتقازى ماتاەۆتىڭ ءوزى: ء"بىزدى مۇسىركەمەڭدەر!" دەگەن ەدى.

ءجا، سەيتقازى ماتاەۆ شارتتى تۇردە بوساپ شىقتى. بۇل ءسۇيىنشى سۇرارلىق جاڭالىق.

ەندىگى كەزەك ماكس بوقاەۆ پەن تالعات ايانداردا! قازاق جەرىن شۇرەگەيلەردەن قورعاپ، شىر-پىر بولعان ازاماتتار بوستاندىققا شىعۋى كەرەك! بۇل تالاپ!

وتكەندە، قازاقستان رەسەيگە قوسىلسىن دەپ ەسى كەتىپ جۇرگەن ەرمەك تايشىبەكوۆ بوساپ شىقتى.

- ەرمەك تايشىبەكوۆ "قازاقستان رەسەي قۇرامىنا قوسىلسىن", "مەن ورىس الەمىن قولدايمىن" دەدى. 4 جىلعا باس بوستاندىعىنان ايىرۋ جازاسىنا ىلىكتى. 2 جىل 1 اي وتىردى. راقىمشىلىق جاسالدى.

ماكس بوقاەۆ، جەر داۋى كەزىندە ءوزىنىڭ ازاماتتىق پوزيتسياسىن اشىق كورسەتتى، ۇكىمەتتىڭ جەردى ساتۋ تۋرالى باستاماسىنا قارسى شىقتى. 5 جىلعا تۇرمەگە كەسىلدى. راقىمشىلىق جاسالعان جوق.

- تالعات ايان، جەر داۋى كەزىندە ۇكىمەتتىڭ باستاماسىنا اشىق قارسى شىقتى. 5 جىلعا قامالدى. راقىمشىلىق جاسالعان جوق.

- اسەت ماتاەۆ، اكەسىمەن بىرگە سوتتالدى. 5 جىل. راقىمشىلىق جاسالعان جوق.

- بوتاگوز يساەۆا، تايشىبەكوۆتىڭ ۇستىنەن ارىز جازدى. ءىسىن سوتقا دەيىن جەتكىزدى. قۋادالاۋعا ۇشىراپ، ەلدەن كەتتى.

جوعارىداعى اتالعان ازاماتتاردىڭ ءار قايسىسى تاۋەلسىز قازاقستاننىڭ مەملەكەتتىك تۇتاستىعى ءۇشىن، تەرريتوريانىڭ ءام جەردىڭ بۇتىندىگى ءۇشىن جۇمىس جاسادى. شوۆنيستىك پيعىلداعى ارانداتۋشىلىق قادامدارعا بارعان جوق.

ايىپتارى دالەلدەنگەن بولىپ، تەمىر تورعا توعىتىلدى. ارقايسىسى كەمى 5 جىلدان الدى. بىلتىرعى جىلعى جاپپاي راقىمشىلىقتىڭ راۋانىندا بۇل ازاماتتاردىڭ ەسىمدەرى ەسكەرۋسىز قالدى. مەملەكەتتىڭ راقىمشىلىعىنا ىلىنگەن جوق.

ال ورىستىڭ قولاڭسا ساسىعان قولتىعىنىڭ استىنا قايتا كىرۋدى ارماندايتىن، ورىس شوۆينيزمىمەن ۇشىقتالعان ەرمەكتىڭ 4 جىلدىق جازا مەرزىمى اياقتالماي جاتىپ، راقىمشىلىققا ءىلىنۋى قالاي؟ بۇل قانشالىقتى ادىلەتتى؟

نۇرزات توعجان

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555