سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
46 - ءسوز 3445 9 پىكىر 1 قاراشا, 2017 ساعات 10:27

تاعى دا سول امەريكانى جامانداۋ، ەۋروپانى ايىپتاۋ...

رەسەيلىك ەكى تەلەارنادا بولىپ جاتقان ەكى حاباردى قاتار كوردىم. ءبىرىنشى ارنالارىندا اقش-تىڭ پول مانافورتتى ايىپتاۋىن تالقىلاپ جاتىر. ەكى جۋرناليست جۇرگىزىپ تۇر.

ەكەۋى دە اقش-تى، ەۋروپانى جامانداپ، ايىپتاپ الەك. ءسال وزگەشە پىكىر ايتاتىن ادامعا ەكى جاقتاپ جابىلىپ، ءسوز بەرمەيدى. وعان وزگە قوناقتار دا قوسىلىپ، الگى جالعىز ادامدى جان-جاقتان جەپ تاستادى. "جالعىزدىڭ ءۇنى" تاعى دا شىقپاي قالدى. مۇنداي حابار روسسيا رتر ارناسىندا دا بولىپ جاتىر. اناۋ سولوۆەۆتىڭ "ۆەچەرىندە" ۋكرايناداعى ميحومايداندى تالقىلادى. وعان دا وزگەلەرگە ۇقسامايتىن پىكىرى بار ءبىر ادام كەلىپتى. وعان دا جۋرناليسىمەن قوسىلىپ جابىلىپ، اۋىزدارىنا كەلگەندەرىن ايتتى. ءسوزىن تىڭدامايدى، پىكىرىنە قۇلاق اسپايدى. اۋزىن اشا بەرگەنى سول ەدى وزگە بەس-التى ادام كەزەك-كەزەگىمەن ءسوزىن ءبولىپ، سويلەتپەيدى. تاعى دا سول امەريكانى جامانداۋ، ەۋروپانى ايىپتاۋ.

تۇسىنبەيتىنىم، ەكى حاباردا دا جۋرناليستەر بەيتاراپ بولا المايدى. بىرجاقتى. قىڭىر. سوزدەرى وزدەرىنىكى مە، الدە تاپسىرىس پا ايىرۋ قيىن. بىراق، وڭىپ تۇرعان جوق نە بولسا دا. كورۋدىڭ ءوزى جيىركەنىشتى. جاقسى بىردەڭە كورگىسى كەلەتىن كورەرمەنگە وبال. قۇسىقتارىن توگىپ جاتىر.

نۇربەك ءتۇسىپحان

Facebook-تەگى پاراقشاسىنان

9 پىكىر