مەملەكەت باسشىسى بۇگىن پرەزيدەنت اكىمشىلىگىنىڭ باسشىسى ادىلبەك جاقسىبەكوۆ پەن پرەزيدەنت اكىمشىلىگى باسشىسىنىڭ ءبىرىنشى ورىنباسارى مارات ءتاجيندى قابىلدادى دەپ حابارلايدى اqorda.kz سايتى.

كەزدەسۋدە نۇرسۇلتان نازارباەۆ لاتىن قارپىنە نەگىزدەلگەن قازاق ءالىپبيىنىڭ سوڭعى جوباسى قىزۋ تالقىلانىپ، قوعام تاراپىنان قولداۋ تاپقانىن اتاپ وتكەن كورىنەدى.

– لاتىن قارپىنە نەگىزدەلگەن قازاق ءالىپبيىنىڭ ۇسىنىلعان جوباسىن بەكىتۋ تۋرالى جارلىق شىعارۋ قاجەت. كوميسسيا جۇمىسىن اياقتادى. سوڭعى نۇسقا جاريالاندى. عالىمدار، ءتىلتانۋشىلار، ساياساتكەرلەر، جاستار جانە قازاقستان حالقى اسسامبلەياسىنىڭ وكىلدەرى ورتاق مامىلەگە كەلدى. جالپى، قوعام قولداپ وتىر، – دەدى قازاقستان پرەزيدەنتى.

وسىلاي دەي كەلىپ مەملەكەت باسشىسى قازاق ءالىپبيىن لاتىن قارپىنە كەزەڭ-كەزەڭمەن جانە جۇيەلى تۇردە كوشىرۋدىڭ ماڭىزدىلىعىنا نازار اۋداردى.

سونىمەن قاتار، ەلباسىعا مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ اتقارعان قىزمەتى تۋرالى باياندالدى.

ەستەرىڭىزگە سالا كەتەيىك، كەيىنگى جوبا تومەندەگىدەي جاسالعان بولاتىن. ال، ءبىرىنشى ۇسىنىلعان جوبا قازاقتىڭ (داۋىستى، داۋىسسىز) ءتول دىبىستارىن  ديگرافتار ارقىلى تاڭبالاۋعا نەگىزدەلدى. الايدا بۇل جوبا حالىق اراسىندا قولداۋ تاپپادى.

Abai.kz