جەكسەنبى, 31 مامىر 2020
COVID-19 قازاقستاندا. جۇقتىرعاندار — 10858. جازىلعاندار — 5404. قايتىس بولعاندار — 40
46 - ءسوز 3355 13 پىكىر 26 قازان, 2017 ساعات 10:48

قىرعىزدىڭ ساياساتكەرلەرى ەش ۇناعان ەمەس

قىرعىز اعايىندى قاتتى جاقسى كورەمىن. «وي، بۇلبۇلدى» ناشىنە كەلتىرگەن نۇراق ءابدىراحمانوۆتى ايتسايشى، ون التى جاسىندا عانا اياعىنا تۇرعانمەن، قارابالتانى قالاي كەرەمەت سومداعان سۇيمەنقۇل چوكموروۆتى ايتسايشى.. ۇنايدى ادامى. قيىرىنداعى وش، جالالاباد، وزگەننەن مىناۋ تالاس، اناۋ ىستىقكولگە دەيىن بولعانمىن. ۇنايدى جەرى. بىراق، ساياساتكەرلەرى ەش ۇناعان ەمەس. اتامباەۆ جايلى جاق اشپاعانىم دا سودان – ءسوزىم ءراسۋا.

كەشە مە، الدە كەش كوردىم بە، قىرعىزدىڭ http://www.gezitter.org رەسۋرسى قىپ-قىزىل وتىرىك ماتەريال باسىپ، ونى ورتالىق ازيا حالىقتارىنىڭ ءتورت بىردەي تىلىنە اۋدارىپ تاستاپتى. سونداعى قۇرت تۇسكەن وزەگى - ەكسپو كورمەسىن سالعان ءبىزدىڭ جۇمىسشىلاردىڭ ايلىعىن تولەمەگەندىكتەن، ولار الاڭعا شىعىپتى-مىس. قاي قالا، قاي الاڭ؟ بۇل ءجونسىز ماتەريال بەلگىلى سەبەپتەرمەن اشىلمايتىن «قازاقستاندىق سايتتارعا» ءجون سىلتەيدى. تۇسىنىكتى شىعار، شەرۋ جايلىسى شيكى وتىرىك - ەشكىم كوشەگە شىققان جوق. ەندى وسىنداي ەرسى جاڭالىقتى باسۋعا قىرعىز ليبەرالدارىن نە قامشىلاۋى مۇمكىن دەرسىز؟ مۇمكىن، ەكسپو-دا تەك قازاقستاندىق قۇرىلىسشىلاردىڭ ەڭبەك ەتكەنى جۇيكەلەرىنە تيگەن شىعار. سەبەبى، قانشا ۋاقىتتان سوڭ قازاقتار كورشى ەلدىڭ جۇمىس كۇشىنسىز-اق ءوز شارۋاسىن سايلاپ الدى. بىلايشا ايتقاندا، «قاراپايىم قىرعىزدارعا بىزدەن ناپاقى ايىرۋعا مۇمكىندىك بەرمەپپىز».

سوسىن قىرعىزستاننىڭ بىزدەن 100 ميلليون دوللار الۋدان باس تارتقانىن جارىسا جازىپ جاتىرمىز. بىلەسىز بە، بۇل اقشاعا كورشىمىز ۆەتەرينارلىق زەرتحانالار سالىپ السا دا، مۇرتىن بالتا شاپپاس ەدى. ايتپەسە، قىرعىزستاننان بىزگە برۋتسەللەز جۇققان ەت پەن ءسۇت وتەتىنى، بۇعان سەرتيفيكاتتى ازىن-اۋلىق اقشاعا ۆەتقىزمەتتەن ساتىپ الاتىنى دا وتىرىك ەمەس. قىسقاسى، ۆەتەرينارلىق اناليزعا اقشا جۇمساۋدى قاجەتسىنبەگەنگە قازاقستان قايتۋى كەرەك ەدى؟ ارينە، ءبىزدىڭ ازاماتتاردى تۇگەلدەي ۋلاماي تۇرىپ، ازىق-تۇلىكتەن باس تارتۋ كەرەك ەدى. ال بۇل قىرعىزستان ءۇشىن تاعى شىعىن. ساياساتكەرلەرىنىڭ كەسىرىنەن قايمانا حالقى وپىق جەپ جاتىر دەيسىز بە، سوعان وقشپايدى. بىراق، بۇنى ەر بوپ مويىنداۋدىڭ ورنىنا، قىرعىز ليبەرالدارى «قازاقستاندا ءبارى جامان» دەگەن جالعان اقپارات جەلىمدەپ وتىر.

وركەن كەنجەبەك

Facebook-تەگى پاراقشاسىنان

13 پىكىر