گەرمانيا پرەزيدەنتى رەسەيمەن جاقسى قارىم-قاتىناستا بولعىسى كەلەتىنىن مالىمدەدى
گەرمانيا پرەزيدەنتى فرانك-ۆالتەر شتاينمايەر ءوز ەلىنىڭ رەسەيمەن قارىم-قاتىناسى دەڭگەيىنە كوڭىلى تولمايدى. ول وسىلاي دەپ ماسكەۋدە رەسەي پرەزيدەنتى ۆلاديمير پۋتينمەن كەزدەسكەننەن كەيىن مالىمدەدى.
شتاينمايەر رەسەيدىڭ قىرىمدى اننەكسيالاۋى مەن ۋكراينانىڭ شىعىسىنداعى جانجالعا قاراماستان، ەكى ەل قارىم-قاتىناستى جاقسارتۋ ءۇشىن، بىرلەسىپ كۇش جۇمساۋ كەرەك دەدى.
ءوز كەزەگىندە پۋتين گەرمانيا پرەزيدەنتىنىڭ ەلىنە ساپارىنان كەيىن ەكىجاقتى قارىم-قاتىناس نىعايادى دەگەن ۇمىتتەمىن دەدى. پۋتين سونىمەن بىرگە شتاينمايەرمەن ۋكراينا شىعىسىنداعى جاعدايدى تالقىلاعانىن ايتتى.
گەرمانيا مەن رەسەي اراسىنداعى قارىم-قاتىناستىڭ سالقىندىعىنان شتاينمايەردىڭ رەسەيگە ساپارى مەملەكەتتىك دەڭگەيدە ەمەس، جۇمىس ساپارى رەتىندە قاراستىرىلدى دەپ جازادى Deutsche Welle.
Abai.kz
