جۇما, 29 ناۋرىز 2024
قىلمىس 5502 37 پىكىر 25 قازان, 2017 ساعات 09:58

قاندىقول توقماديدىڭ ارتىندا ءابليازوۆ تۇرعان...

ارادا 13 جىل وتكەندە بەلگىلى بانكير ەرجان تاتىشەۆتىڭ جۇمباق ءولىمىنىڭ قۇپياسى اشىلدى. «كتك» تەلەارناسىنان كورسەتىلگەن دەرەكتى ءفيلمنىڭ باستى كەيىپكەرى – مۇراتحان توقمادي قاشقىن وليگارح مۇحتار ءابليازوۆتىڭ تاپسىرىسى بويىنشا ەرجان تاتىشەۆتى اتىپ ولتىرگەنىن تولىق مويىندادى. سول كەزدەگى قولىمەن جاساعان بارلىق قىلمىسىن مويىنداعان قىلمىسكەر ارام جولمەن كاپيتال جيعانىنا قاتتى وكىنەتىنىن جەتكىزدى.

«شىنى كورولى» اتانعان توقمادي 2003 جىلى م. ابليازوۆپەن كەزدەسەدى. ول ۋاقىتتا «تۇرانالەمبانكىنىڭ» باستى اكتسيونەرى جانە باسقارما توراعاسى، ايگىلى قارجىگەر ەرجان تاتىشەۆتىڭ باق-بەدەلى وتە جوعارى بولاتىن. سول كەزدە جوعارى لاۋازىمدى قىزمەتتەردى اتقارعانىمەن، «جولى بولماعان»، پرەزيدەنت اياۋشىلىق جاساعان الاياق بانكير مۇحتار ءابليازوۆ بۇل جايتقا ۇلكەن قىزعانىشپەن قارادى. ول قالاي دا ەرجان تاتىشەۆتىڭ كوزىن جويىپ، ەلىمىزدەگى ەڭ مىقتى بانكتىڭ قوجايىنى بولۋدى كوزدەدى. بۇل ارام ويىن ىسكە اسىرۋعا مۇراتحان توقماديدى ساتىمەن پايدالاندى.

13 جىل بۇرىنعى قاندى وقيعا قالاي بولعان ەدى؟ ىزعارلى جەلتوقساننىڭ اپپاق قار جاپالاقتاپ جاۋعان كۇندەرىنىڭ بىرىندە ەرجان تاتىشەۆ م. توقماديعا قوڭىراۋ شالىپ، اڭعا شىعۋعا شاقىرادى. ۇلكەن «لاند كرۋزەرگە» مىنگەن جاندار ۇشەۋ بولاتىن: ەرجان. مۇراتحان جانە بانكيردىڭ وققاعارى. سايىن دالادا قاسقىرلاردى قۋىپ كەلە جاتىپ، كولىكتىڭ رولىندە وتىرعان ەرجان تاتىشەۆ ءوزىنىڭ مىلتىعىن ارتقى ورىندىقتا وتىرعان مۇراتحانعا بەرەدى. ال مۇراتحان كولىكتىڭ الدىنداعى قاسقىردى ەمەس، رولدەگى ەرجاننىڭ ءوزىن اتادى. وقىس وقيعادان ەشتەڭە تۇسىنبەي قالعان وققاعار كوزليحين مۇراتحاننان: «مۇنىڭ نە؟ نەگە اتتىڭ؟» دەپ سۇراپ ۇلگەرەدى. سوندا مۇراتحان: «نەگە اتقانىمدى ءوزىم دە بىلمەيمىن!» دەپ جاۋاپ قايىرىپ، مىلتىعىن ۇستاعان كۇيى وتىرىپ قالادى. الايدا... 13 بۇرىنعى قاندى وقيعاعا كۋا بولعان كوزليحين بار شىندىقتى ايتقانىمەن، م. توقمادي ادام ولتىرگەنى ءۇشىن تۇرمەگە قامالعان جوق. دەرەكتى فيلمدە ول تەرگەۋ ورگاندارىنا، ساراپتاما جاسايتىن ماماندارعا 20 مىڭ اقش دوللارى كولەمىندە پارا بەرىپ، قىلمىستان قۇتىلىپ كەتەدى. «قىلمىس ءتۇبى - تۇرمە» دەمەكشى، ارادا 13 جىل وتكەندە ول تۇرمەدە وتىرىپ، بار قىلمىسىن جايىپ سالدى.

Abai.kz

37 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3605