جۇما, 29 ناۋرىز 2024
4372 1 پىكىر 25 قازان, 2017 ساعات 09:09

قازاقستاندىق كاسىپكەرلەر "قانت يمپورتىنىڭ شەكتەلۋىنە" الاڭدايدى

قازاقستاندىق كونديتەرلەر اسسوتسياتسياسى مەن الكوگولسىز سۋسىندار اسسوتسياتسياسى ەۋرازيا ەكونوميكالىق وداعى (ەاەو) اۋماعىندا قانتتى وداقتان تىس ەلدەردەن يمپورتتاۋعا تىيىم سالۋ ۇسىنىسىنا قارسى شىقتى. ازاتتىق ءتىلشىسىنىڭ حابارلاۋىنشا، بۇل تۋرالى سەيسەنبىدە الماتىدا وتكەن ءباسپاسوز ءماسليحاتىندا قوس اسسوتسياتسيا وكىلدەرى مالىمدەدى.

قازاقستان كونديتەرلەر اسسوتسياتسياسىنىڭ ۆيتسە-پرەزيدەنتى ەرلان احمەتوۆتىڭ ايتۋىنشا، رەسەي مەن بەلارۋستىڭ ءىرى قانت وندىرۋشىلەرى ەاەو اۋماعىنا قانت يمپورتىنا تىيىم سالۋدى ۇسىنباق جانە ول 25 قازاندا ەرەۆاندا وتەتىن وداق ەلدەرى ۇكىمەت باسشىلارىنىڭ جيىنىندا كوتەرىلمەك. قازاقستاندىق وندىرۋشىلەر ەگەر بۇل ۇسىنىس قابىلدانسا، وندا شەتەلدەردەن يمپورتتالاتىن قانتقا 30-دان 40 پايىزعا دەيىنگى كولەمدە باج سالىعى سالىناتىنىن، تيىسىنشە قانتتان جاسالاتىن ونىمدەر، ونىڭ ىشىندە كونديتەرلىك ونىمدەر مەن سۋسىنداردىڭ باعاسى دا وسىنداي مولشەردە قىمباتتاۋى مۇمكىن ەكەنىن ايتادى. قازاقستاندىق ءونىم وندىرۋشىلەر قازىر ەاەو كەلىسىمى بويىنشا، سىرتتان قانتتى جەڭىلدىكپەن، باج سالىعىنسىز يمپورتتايدى.

اسسوتسيالار وكىلدەرى ەگەر قازاقستاندىق وندىرۋشىلەر قانتتى ەاەو ەلدەرىنەن عانا ساتىپ السا، وندا رەسەي جانە بەلارۋس قانت وندىرۋشىلەرى قوياتىن باعاعا تاۋەلدى بولىپ قالاتىنىن ايتادى.

اسسوتسياتسيالار وسىعان بايلانىستى قانتتىڭ نارىقتاعى شىنايى باعاسىن سۇرانىس پەن ۇسىنىسقا ساي قالىپتاستىراتىن لوندون شيكىزات بيرجاسى سياقتى ينستيتۋتتاردى قۇرۋدى ۇسىنادى. سونىمەن قاتار ولار ەاەو وندىرۋشىلەرىنىڭ ىشكى نارىقتى ساپالى قانتپەن جەتكىلىكتى جانە تۇراقتى تۇردە قامتي الاتىنىنا بىرنەشە جىل مونيتورينگ جۇرگىزۋدى دە ۇسىنادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604