جۇما, 29 مامىر 2020
COVID-19 قازاقستاندا. جۇقتىرعاندار — 9932. جازىلعاندار — 4900. قايتىس بولعاندار — 37
1801 0 پىكىر 25 قازان, 2017 ساعات 08:57

تاجىكستاندا ەلەكتر قۋاتىنا ليميت قويىلمايدى

تاجىكستاندا كۇز-قىز ماۋسىمىندا ەلەكتر قۋاتىنا ليميت قويىلمايدى، دەپ حابارلادى «باركي توچيك» ەنەرگيا حولدينگى. ەلدە شاعىن گەس-تەر مەن جىلۋ ەلەكتر ورتالىقتارى جۇمىس ىستەپ تۇر.

دەگەنمەن «باركي توچيك» حالىقتى ەلەكتر قۋاتىن ۇنەمدەۋگە، ونىڭ اقىسىن كەشىكتىرمەي تولەۋگە شاقىردى.

تاجىكستان پرەزيدەنتى ەمومالي راحمون 14 قازاندا كاسىپكەرلەردىڭ كەزدەسۋىندە وتكەن جىلى وسى ۋاقىتتا حالىق تاۋلىگىنە 10 ساعات قانا جارىقپەن وتىرعانىن ەسكە سالدى.

بۇعان قوسا مەملەكەت باسشىسى كەلەسى جىلدىڭ سوڭىنا قاراي روگۋن گەس-ءىنىڭ العاشقى اگرەگاتى، ودان سوڭ ەكىنشىسى ىسكە قوسىلاتىنىن حابارلادى. سودان كەيىن ەلەكتر قۋاتىنا شەكتەۋ قويىلمايدى.

وتكەن جىلى تاجىكستان ايماقتارىندا ەلەكتر قۋاتىن پايدالانۋ ءليميتى 1 قاراشادان باستالعان. سول كەزدە ەل استاناسى مەن ءىرى قالالاردا عانا جارىق سوندىرىلگەن جوق.

Abai.kz

0 پىكىر