جەكسەنبى, 23 ماۋسىم 2024
3498 0 پىكىر 24 قازان, 2017 ساعات 08:36

"ەحو موسكۆى" راديوسىنىڭ اۋىر جارالانعان ءجۋرناليسى جانساقتاۋ بولىمىندە جاتىر

"ەحو موسكۆى" راديوستانتسياسىنىڭ ءجۋرناليسى تاتيانا فەلگەنگاۋەر جانساقتاۋ بولىمىندە جاساندى كومادا جاتىر. بۇل تۋرالى راديونىڭ باس رەداكتورى الەكسەي ۆەنەديكتوۆ حابارلادى.

23 قازاندا "ەحو موسكۆى" رەداكتسياسىنا بەلگىسىز بىرەۋ باسا-كوكتەپ كىرىپ، پىشاقپەن فەلەنگاۋەردىڭ موينىنان جارالاعان. دارىگەرلەر ونىڭ جاعدايىن اۋىر دەپ باعالادى، دەگەنمەن ونىڭ ومىرىنە قاۋىپ ءتونىپ تۇرعان جوق. جاساندى كومادا ول ەرتەڭگە دەيىن جاتادى. وسى ۋاقىتقا دەيىن دارىگەرلەر قانداي ەم قولداناتىنىن شەشەدى.

تەرگەۋ كوميتەتى بۇل وقيعاعا قاتىستى قىلمىستىق ءىس قوزعادى. شابۋىلداۋشىنىڭ ەسىمى بوريس گريتس، ول 48 جاستا.

رەسەي جۋرناليستەر وداعى فەلگەنگاۋەرگە جاسالعان قاستاندىقتى ء"سوز بوستاندىعىنا شابۋىل" دەپ اتادى. ەۋروپا كەڭەسىنىڭ باس حاتشىسى تۋربورن ياگلاند بۇل وقيعانى جان-جاقتى تەرگەۋگە شاقىردى.

Abai.kz

0 پىكىر