جۇما, 29 ناۋرىز 2024
جاڭالىقتار 3978 0 پىكىر 16 قىركۇيەك, 2017 ساعات 15:11

مەملەكەتتىك ءتىل – قوعامدى بىرىكتىرەتىن ماڭىزدى فاكتورعا اينالۋى قاجەت!

جاقىندا قازاقستان حالقى اسسامبلەياسىنىڭ توراعا ورىنباسارى دارحان مىڭباي مىرزا لاتىن قارپىنە كوشۋ تۋرالى ءوز پىكىرىن ءبىلدىرىپ، "ەلباسىنىڭ تاپسىرماسى تولىعىمەن ورىندالۋى شارت" دەدى.  بۇل تۋرالى قحا عىلىمي-ساراپتامالىق كەڭەسىنىڭ كەڭەيتىلگەن وتىرىسىندا ايتتى.

«العاش رەت مەملەكەتتىك ءتىلدى لاتىن گرافيكاسىنا كوشىرۋ ماسەلەسىن مەملەكەت باسشىسى 2006 جىلى قازاقستان حالقى اسسامبلەياسىندا كوتەرگەن بولاتىن. 2012 جىلى مەملەكەت باسشىسى نۇرسۇلتان نازارباەۆ ءوز جولداۋىندا «قازاقستان-2050» ستراتەگياسىن تۇجىرىمداپ، لاتىن ءالىپبيى تاقىرىبىن وزەكتەندىردى. سونداي-اق، 2025 جىلدى لاتىن الىپبيىنە ءوتۋدىڭ شەكتى مەرزىمى رەتىندە اتاپ كورسەتتى»، - دەدى ول.

وسى ورايدا دارحان مىڭباي قازاق ءتىلىنىڭ لاتىن الىپبيىندەگى نۇسقاسى جىلدىڭ اياعىنا دەيىن جاسالۋى قاجەتتىگىن العا تارتتى.

«2017 جىلى 12 ساۋىردە «بولاشاققا باعدار: رۋحاني جاڭعىرۋ» ماقالاسىندا مەملەكەت باسشىسى قازاق ءتىلىنىڭ لاتىن گرافيكاسىنا كەزەڭ-كەزەڭىمەن ءوتۋى، ءارى جاڭا گرافيكاداعى قازاق ءالىپبيىنىڭ بىرىڭعاي ستاندارتتى نۇسقاسىن، وسى جىلدىڭ اياعىنا دەيىن قابىلداۋ بويىنشا جۇمىستى باستاۋعا ناقتى تاپسىرما بەردى. عىلىمي ساراپشىلىق كەڭەسىنىڭ جانە بۇگىنگى قحا مۇشەلەرىنىڭ كەڭەيتىلگەن ءماجىلىسى پرەزيدەنتتىڭ وسى تاپسىرمالارىن ورىنداۋعا ارنالادى»، - دەدى قحا توراعاسىنىڭ ورىنباسارى.

ونىڭ ايتۋىنشا، لاتىن الىپبيىنە كوشۋ جۇمىسىن جۇيەلى تۇردە جۇرگىزۋ قاجەت.

«بىزگە قازاق ءتىلىن لاتىن الىپبيىنە كوشىرۋ جۇمىسىن جۇيەلى تۇردە جۇرگىزۋ مىندەتى قويىلعان. ءالىپبيدى ەنگىزۋ بويىنشا ساتىلاپ ەنگىزۋ الگوريتمى قۇرىلادى. بۇل عىلىمي تۇردە نەگىزدەلەدى. وسى ماقساتتا مۇعالىمدەر دايىندالىپ، ەلدى-مەكەندەردەگى ازاماتتار وقىتىلادى. عىلىمي ادىستەمەلىك وقۋلىقتار، ءموبيلدى قوسىمشىلار دايىندالادى. مۇنىڭ بارلىعى جۇمىس بارىسىندا ەسكەرىلەدى»، - دەدى دارحان مىڭباي.

ءسوز سوڭىندا ول اتالعان جۇمىسقا قحا دا بەلسەنە قاتىساتىنىن ايتتى.

«قحا وسى جۇمىسقا بەلسەنە قاتىساتىن بولادى. بۇل كەيبىر ەلىمىزدەگى جاعدايلارعا بايلانىستى. بىرىنشىدەن، لاتىن الىپبيىنە كوشۋ – «قازاقستاننىڭ رۋحاني جاڭعىرۋىنىڭ» نەگىزى سانالادى. مەملەكەتتىك ءتىل – قوعامدى بىرىكتىرەتىن ماڭىزدى فاكتورعا اينالۋى قاجەت. ال لاتىن الىپبيىنە كوشۋ – قازاق ءتىلىنىڭ ديناميكالى تۇردە دامۋىنا جول اشادى. بۇل ەلباسىنىڭ تاپسىرماسى سوندىقتان ول تولىعىمەن ورىندالۋى شارت»، - دەپ اياقتادى ويىن توراعا ورىنباسارى.

ايتا كەتەيىك، بۇگىن قر ۇلتتىق عىلىمي اكادەمياسىندا قازاقستان حالقى اسسامبلەياسىنىڭ عىلىمي-ساراپتامالىق كەڭەسى «لاتىن قارپىنە كوشۋ – ءبىزدىڭ ورتاق مىندەتىمىز» تاقىرىبىندا كەڭەيتىلگەن وتىرىس ءوتتى.

مۇراتبەك اقانوۆ

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3621