بەيسەنبى, 7 شىلدە 2022
بىرلىك 3041 0 پىكىر 26 قىركۇيەك, 2017 ساعات 13:28

«شەشەن-ينگۋش ەتنومادەني ورتالىعىنىڭ» حالىقتىق ءانسامبلى كانسەرت بەردى

2017 جىلدىڭ 23 قىركۇيەگىندە استانا قالاسى وقۋشىلار سارايىندا  «ۆايناح» قوعامدىق بىرلەستىگى «شەشەن-ينگۋش ەتنومادەني ورتالىعىنىڭ» حالىقتىق ءانسامبلىنىڭ ەسەپ بەرۋ كونتسەرتى ءوتتى، - دەپ حابارلايدى "اباي اقپارات" پورتالى.

وتكىزىلگەن مەرەكەدە قازاقستان حالقى اسسامبلەياسىنىڭ مۇشەلەرى، ەتنومادەني بىرلەستىكتەردىڭ وكىلدەرى، مەملەكەتتىك ورگاندار قىزمەتكەرلەرى مەن قالا تۇرعىندارى قاتىستى. اتالمىش ءىس-شارانى استانا قالالىق قازاقستان حالقى اسسامبلەياسى ۇيىمداستىردى.

ءىس-شارانىڭ ماقساتى ەلوردالىق ەتنومادەني ورتالىقتار اراسىندا  ەتنوسارالىق قاتىناستاردى نىعايتۋعا، سونىمەن قاتار قوعام نازارىن اۋدارۋعا باعىتتالدى.

«ۆايناح» شەشەن-ينگۋش ەتنومادەني ورتالىعىندا 20 جىلعا ۋاقىت بي ءانسامبلى جۇمىس ىستەيدى. وسى ۋاقىت ارالىعىندا رەسپۋبليكالىق كونكۋرستاردىڭ لاۋرەاتى، حالىقتىق اتاعىنا يە بولىپ تابىلادى. انسامبل قايىرىمدىلىق كونتسەرتتەرگە قاتىسىپ، بالالار ءانسامبلى ۆايناح حالقىنىڭ مادەنيەتىن ساقتاپ، جەتكىزىپ كەلەدى.

استانا قالاسى قازاقستان حالقى اسسامبلەياسى حاتشىلىعىنىڭ باس مامانى  گ.ن. تايگوكوۆا ءوزىنىڭ سوزىندە ەلوردالىق «ۆايناح» شەشەن-ينگۋش ەتنومادەني ورتالىعى ءبىزدىڭ ەلىمىزدەگى بەيبىتشىلىك پەن كەلىسىمدى نىعايتۋعا شەشەن جانە ينگۋش حالىقتارىنىڭ ۇلتتىق مادەنيەتىن ساقتاۋعا جانە دامىتۋعا ءوز ۇلەسىن قوسىپ كەلگەنىن اتاپ ءوتتى. ءىس-شارا بارىسىندا ءانسامبلدىڭ بەلسەندى قاتىسۋشىلارىنا العىس حاتتار تاپسىرىلدى.

كونتسەرتتە كورەرمەندەر «ۆايناح» شەشەن-ينگۋش ەتنومادەني ورتالىعىنىڭ شىعارماشىلىق ۇجىمىنىڭ قاتىسۋىمەن كونتسەرتتىك ويىن-ساۋىق باعدارلامالارىن كورۋگە مۇمكىندىك الدى. كاۆكاز ءبيى، قايتالانباس ۇلتتىق ناقىشتار، وتكىر مىنەزدىلىكتىڭ بىرەگەي سيپاتى تانىستىرىلدى.

بۇل مەرەكە كاۆكاز مادەنيەتىنىڭ كوپ قىرلى شىعارماشىلىعىن  كورۋگە مۇمكىندىك بەردى. ەسەپ بەرۋ كونتسەرتىنىڭ باعدارلاماسىندا، ۆوكالدى-حورەوگرافيالىق جانە اسپاپتىق كومپوزيتسيالار،  كاۆكازدىق اندەر ورىندالدى. جاس ءانشى ماتسيەۆا پەتيماتتىڭ  فرانتسۋز تىلىندە «Derniere danse»  ورىنداعان انىنە تىڭداۋشىلار دۋ قول شاپالاقتادى. مۋزىكالىق ۇجىمنىڭ ەسەپ بەرۋ كونتسەرتى «تۋعان جەر» فينالدىق ءانىن ورىنداۋمەن اياقتالدى.

ەرعالي بەرىكۇلى

Abai.kz

0 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 2318
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 1782