جۇما, 29 ناۋرىز 2024
EXPO - 2017 6945 24 پىكىر 6 قازان, 2017 ساعات 12:45

ەكسپو: ەلدىڭ دە، ەلباسىنىڭ دا مەرەيىن ۇستەم ەتتى!

ەل مەرەيىن اسىرعان ەكسپو كورمەسى دە اياقتالدى. ابرويمەن اياقتالدى. اۋەلدە دۇنيەجۇزىلىك كورمە تۋرالى كوپ سىني پىكىرلەر بولعانى جاسىرىن ەمەس. ەل-جۇرت ەكى ۇشتى پىكىردەن ەكسپو كورمەسىنىڭ كەلەشەگىن بۇلىڭعىر كوردى. بۇل ەكى ارادا ەرمەگياەۆ باستاعان توپتىڭ كورمە جۇمىسىن تەجەگەن داۋلى وقيعاسى جىعىلعانعا جۇدىرىق سەكىلدى بولعانىمەن، ەلباسى ەكس-اكىم ەسىموۆتى كورمەنىڭ باسشىلىعىنا تاعايىنداپ، ماسەلەنىڭ وڭ شەشىمىن تاپقان ەدى.

«ۆرەميا» باسىلىمى انتي-داعدارىس مەنەدجەرى اتانىپ ۇلگەرگەن احمەتجان ەسىموۆتىڭ ەكى جىلدا جۇرگىزگەن جۇمىسىنا شولۋ جاساپتى. جاساپتى دا، احاڭدى «انتي-داعدارىس مەنەدجەرى» دەپ اتاپتى. ءبىز دە ءوز كەزەگىمىزدە، احمەتجان ەسىموۆتىڭ ساياسي بيوگرافياسىنا شولۋ جاساعاندى ءجون كوردىك.

العاشقىدا ەكسپو كورمەسىنىڭ كەلەشەگىنە كۇمانمەن قاراعان سكەپتيكتەر مەن سىنشىلار ەرمەگياەۆ الەگىنەن كەيىن دۇنيەجۇزىلىك كورمەنىڭ وتكىزىلۋىنە ەكىۇشتى قارادى. ميلليارد قارجىسى قولدى بولعان، قۇرىلىسى ورتا دەڭگەيگە جەتپەگەن نىسانداردىڭ بارىنان-جوعى ەدى.

«ۇلتتىق كومپانيانىڭ باسشىلىعىنا ۇكىمەتپەن، بارلىق وڭىرلەردەگى اكىمدەرمەن، ونداعان مەملەكەت باسشىلارىمەن بىرگە جۇمىس جاساي الاتىن، ينۆەستيتسيا مەن تەحنولوگيا تارتا الاتىن بىلىكتى ادام كەرەك»، - دەگەن ەلباسى نۇرسۇلتان نازارباەۆ ءوز كانديداتىن تاعايىندادى. ول – ەكس-اكىم احمەتجان سماعۇلۇلى ەسىموۆ بولدى.

 «وتە از ۋاقىت قالدى. كورمەنى جوعارعى دەڭگەيدە وتكىزۋىمىز قاجەت. بۇل ءۇشىن ۇلتتىق قوردان اقشا بولەمىز. بولىنگەن اقشانىڭ ءار تيىنىن ءوز ورنىمەن پايدالانۋ كەرەك!». بۇل – پرەزيدەنت نازارباەۆتىڭ احمەتجان ەسىموۆكە بەرگەن قاتاڭ تاپسىرماسى ەدى.

احاڭ كورمە تىزگىنىن ۇستاعان كەزدە كورمەنىڭ اشىلۋعا ءتيىس ۋاقىتىنا نەبارى 21 اي قالعان. ەسىموۆ ەكسپو-عا كەلگەن ۋاقتا  قۇرىلىس جۇمىستارى ورتالانىپ تا ۇلگەرمەگەنى ەسىمىزدە.

راس، احمەتجان سماعۇلۇلى جۇمىسىنىڭ جۇيەسى كەتكەن كورمەنى قولعا الدى. باس-اياعى ەكى جىلدا دۇنيەجۇزى جۇرتى استانا شاھارىن بۇكىل الەمدىك كورمەنىڭ ورتالىعى دەپ تانىپ، تۋريستەر لەك-لەگىمەن ارقاعا اعىلىپ جاتتى.

اۋەلدە كورمەنى 2 ميلليون تۋريست تاماشالايدى دەپ توپشىلاعان. استانا ءتورى بيىل 4 ميلليون ءتۋريستتى قوناق ەتتى. بۇل مەجەلەنگەن جوسپاردان ەكى ەسەگە كوپ كورسەتكىش.

كورمە پاۆيلوندارىن ۇزىن-ىرعاسى 30 ميلليون ادام كىرىپ كورگەن. ىلكىدەگى جوسپار بويىنشا 5 ميلليون ادام كورمە پاۆيلوندارىن كورەدى دەپ جوسپارلانىپتى. بۇل دەگەنىڭىز، تۋريستەر ءبىر كورمە پاۆيلونىن بىرنەشە مارتە قايتالاپ كورگەن دەگەن ءسوز.

ونىڭ ۇستىنە، استانا تورىندە وتكەن دۇنيەجۇزىلىك كورمەنى 28 مەملەكەتتىڭ باسشىسى، 36 پرەمەر-مينيستر، 11 پارلامەنت جەتەكشىسى مەن 70-تەن استام مينيستر كەلىپ كوردى. كوردى، تامساندى.

مىنە، ەكسپو حالىقارالىق كورمەسى وسىلاي اياقتالدى. ال احاڭ تۋرالى قوعام پىكىرى ءار قيلى. بىرەۋلەر احمەتجان ەسىموۆ باق-قا ءجيى شىقپايتىن ادام دەسە، ەندى بىرەۋلەرى احمەتجان ەسىموۆتى بىلىكتى باسشى دەپ بىلەدى. الماتىلىقتار ەكس-اكىمدى «كوك-جايلاۋ»  كەشەنى ءۇشىن جاقتىرمايدى. ەندى ءبىر توپ الماتى مەتروسى ءۇشىن احاڭا اقجارما العىستارىن ايتىپ ءجۇر.

ءيا، احمەتجان مىرزا 2015 جىلى «استانا ەكسپو-2017» ۇك اق باسشىلىعىنا تاعايىندالىسىمەن، كورمە قۇرىلىسىنداعى كەتەۋى كەتكەن كوپ جۇمىستى قايتا جانداندىردى. ءبىر كەزدەرى كورمە جۇمىسىن ءنوپىر سىننىڭ استىنا العان كوپ ساياساتكەر ەكسپو تۋرالى پىكىرلەرىن وزگەرتتى.

شەتەلدىك كومپانيالار "استانا ەكسپو - 2017" كورمەسىنە كەلىپ قاتىسۋ ءۇشىن ءوز پاۆيلوندارىن رەتتەۋگە 200 ميلليون اقش دوللارىن جۇمسادى. ال ۇلتتىق كومپانيا ءوز شىعىنىن اۋەلدە جوسپارلاعان 816 ميلليارد تەڭگەدەن، 452 ميلليارد تەڭگەگە دەيىن قىسقارتتى.

ەلباسىنىڭ ءجىتى قاداعالاۋىمەن، احمەتجان ەسىموۆتىڭ كۇش سالۋىمەن ەكسپو كورمەسى ءوز دەڭگەيىندە ءوتتى. كورمەنىڭ ابىرويمەن وتكەنى ەلدىڭ دە، ەلباسىنىڭ دا بەدەلىن كوتەرگەنى ءسوزسىز.

حالقارادا استانا – ەكسپو كورمەسىن وتكىزۋىمەن عانا ەمەس، باسقا ەلدە بالاماسى جوق كوركەم عيماراتتارىمەن، ارقا جازىعىنداعى ارمان قالا وبرازىمەن تانىلعانى راس.

Abai.kz

24 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1564
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3538