وزودا راحمون پرەزيدەنت اكەسىنە بەينە قۇتتىقتاۋ جولدادى
تاجىكستان پرەزيدەنتى اكىمشىلىگىنىڭ جەتەكشىسى ءارى ەمومالي راحموننىڭ قىزى وزودا راحمون اكەسىنە ءبىرىنشى رەت بەينە قۇتتىقتاۋ جولدادى. 5 قازاندا تاجىكستان پرەزيدەنتى 65 جاسقا تولدى.
وزودا راحمون جولداۋىندا اكەسىن «دانا»، «ادىلەتتى»، «ۇستاز ءارى تاربيەشى» دەپ اتاعان. ول اكەسىنىڭ مەرەيلى جاسى وتباسىنىڭ باسىن قوسۋعا سەبەپ بولعانىن ايتقان. «ءبىز – ءسىزدىڭ بالالارىڭىز جانە نەمەرەلەرىڭىز وتانىمىزعا جانە قىمباتتى تاجىك حالقىنا ادال قىزمەت ەتەمىز دەپ ۋادە بەرەمىز»، - دەگەن تاجىك پرەزيدەنتىنىڭ قىزى.
ەمومالي راحمون - پوست سوۆەتتىك ەلدەردىڭ پرەزيدەنتتەرى ىشىندە كوپ بالالى اكە.
ورتالىق ازيا ليدەرلەرى ءۇشىن مەملەكەتتىك جوعارى لاۋازىمدى قىزمەتكە بالالارى مەن تۋىستارىن تاعايىنداۋ داستۇرگە اينالىپ كەتكەن.
Abai.kz
