دەرەككوزدىڭ مالىمەتى بويىنشا، "تۇركىمەنمۇناي" مەملەكەتتىك كومپانيانىڭ بۇرىنعى باسشىسى ساپارماممەد ۋەليەۆ پەن بۇرىنعى ۇلتتىق قاۋىپسىزدىك ءمينيسترى پوران بەردىەۆ تۇرمەدە قازا تاپقان. ولاردىڭ دەنەسى جەرلەۋ ءۇشىن، تۋىستارىنا بەرىلگەن.

"ولاردى تىرىدەي كورسەت!" دەپ اتالاتىن حالىقارالىق كامپانيانىڭ اقپاراتى بويىنشا، ۋەليەۆ 2005 جىلدىڭ 19 قىركۇيەگىندە تۇركىمەنستان جوعارعى سوتىنىڭ شەشىمىمەن 24 جىلعا سوتتالعان. وسىدان كەيىن ونىڭ تۋىستارى ۋەليەۆتى كورمەگەن. تىپتەن ونىڭ قايدا وتىرعانىن دا بىلمەي كەلگەن.

ساپاماممەد ۋەليەۆ سوتتالعاننان كەيىن، مۇلدەم حابار-وشارسىز كەتكەن تۇتقىنداردىڭ ءبىرى بولعان.

پوران بەردىەۆ بولسا، 2000 جىلدان بەرى بىرقاتار لاۋازىمدى قىزمەتتەر اتقارعان. ونىڭ ىشىندە ىشكى ىستەر ءمينيسترى جانە ۇلتتىق قاۋىپسىزدىك ءمينيسترى بولعان. سوڭعى قىزمەتىندە ول ەلدىڭ باتىس وبلىسىن باسقارعان.

Abai.kz