سەنبى, 23 قاڭتار 2021
2111 0 پىكىر 5 قازان, 2017 ساعات 09:23

ۋكراينا پارلامەنتى دونباستى قالپىنا كەلتىرۋ جونىندەگى زاڭ جوباسىن تەز ارادا قاراماق

ۋكراينا پرەزيدەنتى پەتر پوروشەنكو جوعارعى راداعا تەز ارادا كيەۆ ەگەمەندىگىن ساقتاۋ ءۇشىن، سەپاراتيستەر باقىلاپ وتىرعان دونەتسك مەن لۋگانسك وبلىستارىن قالپىنا كەلتىرۋ جونىندەگى زاڭ جوباسىن وتكىزدى. بۇل قۇجات فرانتسيا، گەرمانيا جانە اقش ەلدەرىندەگى ارىپتەستەرىمەن كەڭەسكەننەن كەيىن، پارلامەنتكە تىركەلدى.

زاڭ جوباسى رەسەيدىڭ مارتەبەسىن "اگرەسسور-مەملەكەت" رەتىندە زاڭدى تۇردە بەلگىلەيدى. دونەتسك پەن لۋگانسك وبلىستارىن "باسىپ الىنعان" دەپ ەسەپتەپ، مينسك كەلىسىمىن ۋكراينانىڭ تۇتاستىعىن قالپىنا كەلتىرۋدەگى نەگىزگى قۇجات رەتىندە باعالايدى.

"ۋكراينا رەسەيدىڭ اگرەسسور-مەملەكەت رەتىندەگى زاڭعا قارسى ارەكەتتەرىنە، قارۋلى كۇشتەرىنە، ۋاقىتشا باسىپ الىنعان دونەتسك جانە لۋگانسك وبلىستارىنداعى وككۋپاتسيالىق اكىمشىلىگىنە قاتىستى جاۋاپكەرشىلىك المايدى", – دەلىنگەن قۇجاتتا. وندا سونىمەن بىرگە رەسەيلىك اگرەسسيادان قورعاۋ ۋكراينانىڭ قارۋلى كۇشتەرىنىڭ بىرىككەن وپەراتيۆتى شتابىنا جۇكتەلەتىنى ايتىلعان.

قۇجاتتى ازىرلەگەن اۆتورلاردىڭ پىكىرىنشە، بۇل بۇۇ-نىڭ حالىقارالىق سوتى الدىندا كيەۆ ۇستانىمىن كۇشەيتەدى.

زاڭ جوباسىن ازىرلەگەندەر قۇجاتتى 18 قازانعا دەيىن قابىلداۋدى سۇرايدى. سەبەبى بۇل ۋاقىتتا "دونەتسك جانە لۋگانسك وبلىستارىنىڭ جەكەلەگەن اۋداندارىنداعى ءوزىن ءوزى باسقارۋ ءتارتىبى تۋرالى" زاڭنىڭ كۇشى جويىلادى. بۇل زاڭ سايلاۋ جانە بولىنگەن توپقا امنيستيا جاريالاۋ ءۇشىن جەرگىلىكتى بيلىككە ارنايى وكىلەت بەرگەن ەدى.

Abai.kz

0 پىكىر