جۇما, 29 ناۋرىز 2024
3243 0 پىكىر 4 قازان, 2017 ساعات 12:41

وزبەكستان بيلىگى ساياسي تۇتقىن ازام فارمونوۆتى بوساتتى

3 قازاندا وزبەكستان بيلىگى تۇرمەدە ون جىلدان استام ۋاقىت وتىرعان قۇقىق قورعاۋشى ازام فارمونوۆتى بوستاندىققا شىعاردى. وعان كەسىلگەن جازا بويىنشا، ول اباقتىدا ءالى ءتورت جىل وتىرۋى ءتيىس بولعان. قۇقىق قورعاۋشىنىڭ ايەلى وزودا ياكۋبوۆتىڭ حابارلاۋىنشا، ونىڭ كۇيەۋى تۇرمەدەن ۇيگە قايتىپ كەلە جاتىر.

بىلتىر شتاب پاتەرى بەرليندە ورنالاسقان «وزبەك-گەرمان فورۋمى» ۇيىمى فارمونوۆ جايىندا فيلم تۇسىرگەن. وندا وزودا ياكۋبوۆا كۇيەۋىنىڭ تۇرمەدەگى قاسىرەتتى ءومىرى جايىندا ايتقان.

ازام فارمونوۆ ون جىلدان استام قاراقالپاقستاننىڭ «جاسلىك» كولونياسىندا وتىردى. وسى جىلدار اراسىندا وعان بىردە-ءبىر راقىمشىلىق جاسالمادى.

بۇۇ-نىڭ ارنايى بايانداماشىسى احمەد ءشاحيدتىڭ وزبەكستانعا بارعان ساپارىنان كەيىن، ازام فارمونوۆتى بوساتقانىن ايتا كەتۋ كەرەك. ونىڭ ساپارى 12 قازانعا دەيىن جالعاسادى.

39 جاستاعى ازام فارمونوۆ بوپسالاۋشىلىقپەن اينالىستى دەپ سوتتالعان. 2006 جىلى وزبەك سوتى ونى 9,5 جىلعا تۇرمەگە جاپتى. قۇقىق قورعاۋشىلار وعان قاتىستى ءىستىڭ ساياسي استارى بار ەكەنىن مالىمدەگەن. 2016 جىلدىڭ مامىر ايىندا جازاسىن وتەۋ مەرزىمى اياقتالار الدىندا، ازام فارمونوۆقا تاعى دا 5 جىل جانە 26 كۇن قوسقان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3595