سەيسەنبى, 30 قاراشا 2021
جاڭالىقتار 2326 0 پىكىر 1 جەلتوقسان, 2010 ساعات 07:32

امان اسپانۇلى. قۇدايعا قالەلوۆادان حالىق جاقىن

«بىرەۋدى قۇداي قاڭعىرتادى، بىرەۋ قۇدايعا كونبەي ءوزى قاڭعىرادى» دەگەن ءسوز بار. «قازگيدرومەت» مەكەمەسى باس ديرەكتورىنىڭ ورىنباسارى انارگۇل قالەلوۆا حانىمدى قۇداي قاڭعىرتقان جوق. تىلىنەن تاپتى. شايتان ءتۇرتتى مە، الدە   وقىستان ايتقانىم ايداي كەلىپ، مارتەبەم وسەر دەپ ويلادى ما ەكەن جوق بالكي، ەسىلدىڭ سول جاعالاۋىنداعى شالىعى بار شەنەۋنىكتەردىڭ ءبىرى «نە ىستەسەڭدەر دە، سامميت كۇندەرى اۋا-رايى ويداعىداي بولسىن»، دەپ تاپسىرما بەردى مە كىم ءبىلسىن، ايتەۋىر، قالەلوۆا حانىمنىڭ ەقىۇ - نىڭ ءسامميتى وتەتىن كۇندەرگە جاساعان بولجامى بولماي قالدى. بولماي قالعانى بىلاي تۇرسىن، بولجاممەن بۇگىنگى استاناداعى اۋا-رايىنىڭ اراسى جەر مەن كوكتەي بولىپ شىقتى. بۇدان بۇرىن انارگۇل حانىم ءوزى تىلەنىپ شىعىپ، بىرنەشە رەت «سامميت وتەتىن 1-2 جەلتوقسان كۇندەرى استانانىڭ اۋا-رايى قۇبىلمالى بولادى. بىراق، 35 گرادۋسقا دەيىنگى بەت قاريتىن اياز، قاتتى سۋىق جانە بوران بولمايدى» دەپ جار سالىپ ەدى.

امال نە، «قازگيدرومەت» پەن انارگۇل قالەلوۆانىڭ وكىنىشىنە قاراي، بولجاعانى بولمادى. استانادا ءدال قازىر ات قۇلاعى كورىنبەس اقتۇتەك بوران ۇيتقي سوعىپ تۇر. قۇداي-اۋ، سامميتكە بولا حالىقتىڭ قۇلاعىنا ءامىر بەرمەگەنىمىز ازداي كوكتەن كەلەتىن، ءبىر قۇدايدىڭ قۇدىرەتىندەگى جانە قالاۋىنداعى دۇنيەگە قول سۇعىپ نەمىز بار ەدى؟! قالەلوۆا حانىم «قۇداي بىلمەيدى، «قازگيدرومەت» بىلەدى»، دەگەندەي قاعىنىپ ەدى، جاراتقان قۇداي استانانى اق بورانعا ورادى.

«بىرەۋدى قۇداي قاڭعىرتادى، بىرەۋ قۇدايعا كونبەي ءوزى قاڭعىرادى» دەگەن ءسوز بار. «قازگيدرومەت» مەكەمەسى باس ديرەكتورىنىڭ ورىنباسارى انارگۇل قالەلوۆا حانىمدى قۇداي قاڭعىرتقان جوق. تىلىنەن تاپتى. شايتان ءتۇرتتى مە، الدە   وقىستان ايتقانىم ايداي كەلىپ، مارتەبەم وسەر دەپ ويلادى ما ەكەن جوق بالكي، ەسىلدىڭ سول جاعالاۋىنداعى شالىعى بار شەنەۋنىكتەردىڭ ءبىرى «نە ىستەسەڭدەر دە، سامميت كۇندەرى اۋا-رايى ويداعىداي بولسىن»، دەپ تاپسىرما بەردى مە كىم ءبىلسىن، ايتەۋىر، قالەلوۆا حانىمنىڭ ەقىۇ - نىڭ ءسامميتى وتەتىن كۇندەرگە جاساعان بولجامى بولماي قالدى. بولماي قالعانى بىلاي تۇرسىن، بولجاممەن بۇگىنگى استاناداعى اۋا-رايىنىڭ اراسى جەر مەن كوكتەي بولىپ شىقتى. بۇدان بۇرىن انارگۇل حانىم ءوزى تىلەنىپ شىعىپ، بىرنەشە رەت «سامميت وتەتىن 1-2 جەلتوقسان كۇندەرى استانانىڭ اۋا-رايى قۇبىلمالى بولادى. بىراق، 35 گرادۋسقا دەيىنگى بەت قاريتىن اياز، قاتتى سۋىق جانە بوران بولمايدى» دەپ جار سالىپ ەدى.

امال نە، «قازگيدرومەت» پەن انارگۇل قالەلوۆانىڭ وكىنىشىنە قاراي، بولجاعانى بولمادى. استانادا ءدال قازىر ات قۇلاعى كورىنبەس اقتۇتەك بوران ۇيتقي سوعىپ تۇر. قۇداي-اۋ، سامميتكە بولا حالىقتىڭ قۇلاعىنا ءامىر بەرمەگەنىمىز ازداي كوكتەن كەلەتىن، ءبىر قۇدايدىڭ قۇدىرەتىندەگى جانە قالاۋىنداعى دۇنيەگە قول سۇعىپ نەمىز بار ەدى؟! قالەلوۆا حانىم «قۇداي بىلمەيدى، «قازگيدرومەت» بىلەدى»، دەگەندەي قاعىنىپ ەدى، جاراتقان قۇداي استانانى اق بورانعا ورادى.

جالپى، اسىرە بەلسەندىلىكتىڭ دە شەگى بولۋى كەرەك قوي. سامميت ءۇشىن جەر بەتىندەگى اسا مارتەبەلى مەملەكەتتەر مەن ولاردىڭ باسشىلارىن نەگە دە بولسا كوندىرۋگە بولار. الايدا، ونى ازدىق كورىپ، قۇدايدىڭ قۇزىرىنا قول سۇعۋدان اسقان كۇپىرلىك بولماسا كەرەك. سول ءبىر سايتان العىر، بولجامىن ايتپاي-اق قويسا دا، ءسامميتتىڭ ءسانى كەتپەس ەدى. ەندى، مىنە، «استانا، سامميت، اقبوران، احا-حو-حوۋ» دەپ ءان سالىپ وتىرمىز.

ءبارىن قويشى، قالەلوۆا حانىمنىڭ ءحالى نەشىك ەكەن جازعان-اي. تىنىشتاندىراتىن ءدارىنى ەسەلەپ ءىشىپ، ەستاندى حالدە وتىر ما ەكەن؟!

ايتپاقشى، قازگيدرومەتتەن قاراپايىم قازاقتىڭ بولجامى شىندىققا ساياتىن سىقىلدى. «ابايدا» تۇرعان ساۋالناماعا قاراڭىز: جۇرتتىڭ باسىم بولىگى سامميت كۇندەرى «اق تۇتەك بوران بولادى» دەپتى.

 

«اباي-اقپارات»

 

 

 

 

 

0 پىكىر