ەكسپو كورمەسى اياقتالىسىمەن ونىڭ قورىتىندىلارى مەن كورمەدە ۇسىنىلعان جاڭا تەحنولوگيالاردى پايداعا اسىرۋ قولعا الىنباق. ەنەرگەتيكا مينيسترلىگى كورمەگە قويىلعان جاڭا تەحنولوگيانىڭ 105 ءتۇرىن ىرىكتەپ الىپتى. ەندى بۇل جوبالار قولدانىسقا ەنگىزىلمەك. قازىردىڭ وزىندە 9 كومپانيا 42 تەحنولوگيانى ىسكە اسىرۋدى جوسپارلاۋدا. ال 12 جوبامەن اكىمدىك اينالىسسا، 14-ءىن جوعارعى وقۋ ورىندارى عىلىمي - زەرتتەۋ ماقساتىندا پايدالانادى دەيدى ەنەرگەتيكا ءمينيسترىنىڭ ورىنباسارى ماعزۇم مىرزاعاليەۆ. ونىڭ مالىمەتىنشە،2020 جىلعا تاياۋ ەلەكتر ەنەرگياسىنداعى بالامالى قۋات كوزدەرىنىڭ ۇلەسىن 3 پايىزعا دەيىن جەتكىزۋ كوزدەلۋدە.  بۇل كورسەتكىش بىلتىر 1 پايىزدى قۇراعان. وعان قوسا، مىرزاعاليەۆ ەۋروپالىق قايتا قۇرۋ جانە دامۋ بانكى جاڭارتىلاتىن ەنەرگيانى دامىتۋ ءۇشىن بىزگە 200 ملن دوللار ءبولۋدى جوسپارلاپ وتىرعانىن، ودان وزگە قارجى ۇيىمدارى تاراپىنان 480 ملن شەتەل ۆاليۋتاسى تارتىلاتىنىن ايتتى. ساراپشىلار بۇل تەحنولوگيالاردىڭ ءتىزىمى كەڭەيۋى مۇمكىندىگىن بولجايدى. بىراق، تەحنولوگيالاردى ىرىكتەپ العاننان كەيىن  ونى ەنگىزگەنگە دەيىن ءبىراز ۋاقىت قاجەتتىگىن ەسكەرتەدى. باستاما ءتيىستى رەسۋرستار ءبولۋدى قاجەت ەتەدى. سەبەبى بۇل جوبالاردىڭ ەكونوميكالىق جانە ەكولوگيالىق، الەۋمەتتىك  تۇرعىداعى تيىمدىلىگى وراسان زور دەپ باعالانۋدا.

اباي-اقپارات