جۇما, 29 ناۋرىز 2024
3486 7 پىكىر 22 قىركۇيەك, 2017 ساعات 10:30

ترامپ پحەنيانعا قارسى سانكتسيانى كۇشەيتتى

اقش پرەزيدەنتى دونالد ترامپ سولتۇستىك كورەياعا قارسى سانكتسيانى كەڭەيتەتىن جارلىق شىعارعانىن مالىمدەدى. Reuters اگەنتتىگىنىڭ حابارلاۋىنشا، ترامپ بۇل جايىندا نيۋ-يوركتە وڭتۇستىك كورەيا پرەزيدەنتى مۋن چجۋ ينمەن جانە جاپونيا پرەمەر-ءمينيسترى سيندزو ابەمەن بىرگە تۇستەنەتىننىڭ الدىندا وتكىزگەن بريفينگتە ايتتى.

ترامپتىڭ سوزىنشە، جاڭا سانكتسيالار سولتۇستىك كورەيانىڭ تەكستيل ونەركاسىبى، بالىق اۋلاۋ، اقپاراتتىق تەحنولوگيالار جانە وڭدەۋ ونەركاسىبىنە سالىنعان. بۇدان وزگە، جارلىق اقش قارجى مينيسترلىگىنە سولتۇستىك كورەيامەن جۇمىس ىستەسكەن كەز-كەلگەن بانككە قارسى سانكتسيا سالۋعا قۇقىق بەرەدى. دەگەنمەن، ترامپ پحەنيانمەن ديالوگ ورناتۋ مۇمكىندىگى جويىلماعانىن دا جەتكىزدى.

بۇعان دەيىن قىتايدىڭ ورتالىق بانكى قىتايلىق بانكتەردىڭ سولتۇستىك كورەيالىق جاڭا كليەنتتەرگە قارجىلىق قىزمەت كورسەتۋىنە تىيىم سالىپ، اعىمداعى نەسيەلەردى توقتاتۋعا وكىم شىعارعان. قۇجات بارلىق بانكتەردەن بۇۇ-نىڭ سولتۇستىك كورەياعا قارسى سانكتسيالارىن تولىق ورىنداۋدى تالاپ ەتىپ، تالاپ ورىندالماعان جاعدايدا ەكونوميكالىق شىعىن كورەتىنىن جانە بەدەلىنە نۇقسان كەلەتىنىن ەسكەرتەدى.

اقش پەن سولتۇستىك كورەيا اراسىنداعى شيەلەنىس پحەنيان 3 قىركۇيەكتە وسىمەن التىنشى رەت يادرولىق سىناق جاساعان سوڭ كۇشەيگەن. بۇل بۇۇ قاۋىپسىزدىك كەڭەسىن سولتۇستىك كورەياعا جاڭا سانكتسيالار سالۋعا ماجبۇرلەگەن.

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543