بەيسەنبى, 18 تامىز 2022
دەپ جاتىر 16040 89 پىكىر 18 قىركۇيەك, 2017 ساعات 10:46

GGG قازاقتىڭ نامىسىن ەمەس، ءوزىنىڭ ابىرويىن عانا قورعاپ ءجۇر

Abai.kz اقپاراتتىق پورتالىنىڭ ەلەكتروندى پوچتاسىنا تۇرار شاپقارانىڭ "GGG قازاقتىڭ نامىسىن ەمەس، ءوزىنىڭ ابىرويىن عانا قورعاپ ءجۇر" دەگەن ماقالاسى كەلىپ ءتۇستى. اۆتوردىڭ ايتىپ وتىرعان ماسەلەسى رەداكتسيانىڭ كوزقاراسىن بىلدىرمەيتىنىن ەسكەرتە وتىرىپ، تولىعىمەن جاريالاۋدى جاريالاۋدى ءجون ساناپ وتىرمىز. سەبەبى، دەموكراتيالىق قوعامدا ءار ازامات ءوز ويىن اشىق ايتۋعا قۇقىلى. تۇرار شاپقارانىڭ ايتار ويىنا قارسى پىكىر بىلدىرۋشىلەر بولسا، ولارعا دا مىنبەر بەرەتىنىمىزدى ەسكەرتەمىز. 

Abai.kz اقپاراتتىق پورتالى

ءيا، بازبىرەۋلەر ءۇشىن كوپتەن كۇتكەن بوكس بولدى. «كوزايىم» بوكس تۋراسىندا بارلىق ينتەرجەلىلەر «ساسىقكولدەگى» قۇرباقاداي شۋلاي جونەلدى. اقشا تىگىپ، اقشا جاساۋ ناۋقانى دا، ءۇيىن، كولىگىن تىككەندەر دە بولدى. تۇرلەمە جارنامالاردىڭ شىرايى كىردى. الەم نازارىن تىكتى. بولجاۋشىلار، جورامالشىلار، سىنشىلار جاۋرىنعا قاراپ وزدەرىنىڭ پىكىرلەرىن جارىستىردى. ساراپشىلار «لوگيكالى قۇمالاقپەن» بال اشىپ تا قويدى. ءۇمىت پەن كۇمان، سەنىم مەن تولقۋ سياقتى سەزىمدەر قاتار تۋلادى. سول ءساتتى ءتيىمدى پايدالانعان ساۋەگەيلەر مەن قۇمالىقشىلار دا تيىن جاساۋدان قالىس قالمادى.

الەمنىڭ التىن ۋاقىتىن سارپ ەتىپ، ۇيقىسىن ءبولىپ، ىشەر اسىن جەرگە تاستاتقان نارسە – گولوۆكين مەن الۆارەستىڭ قولعاپ ءتۇيىستىرۋ جەكپە-جەگى بولاتىن. قورىتىندىسىندا ەكەۋى تەڭ ءتۇستى. مىقتىنى مويىنداۋ دا – مىقتىلىق. مىقتىنى تەك قانا تورەشىلەر مويىندايدى دەۋ بەكەرشىلىك. راس، الۆارەس مىقتى بولىپ شىقتى. 3-راۋندتا گولوۆكيننەن نوكاۋد كۇتكەن بولجاۋشىلاردىڭ بولجامدارى جاي عانا ءتۇس بولىپ شىقتى. گولوۆكين شىن مىقتى بولسا، نوكاۋدقا تۇسىرەتىن بولسا بىرەۋ وعان قوي دەدى مە؟ نوكاۋدقا تۇسىرمەيتىندەي الۆارەستى ايادى دەيسىڭدەر مە؟ قارسىلاس دەگەندەر ەكى تۋىپ ءبىر قالعانى ەمەس. GGG تىراشتانىپ-اق باقتى، قاراتەر بولىپ ايانباي بارىن سالدى. نوكاۋد تۇگەلى 12 راۋند ىشىندە نوگداۋمعا دا تۇسىرە المادى. ءتۇسىرۋ بىلاي تۇرسىن، ەسەڭگىرەتۋ بىلاي تۇرسىن، مۇرنىن قاناتىپ، كوزىن دە كوگەرتە المادى.

«بىتكەن ىسكە سىنشى كوپ» دەگەندەي، بوكس بىتكەننەن كەيىن اناۋ-مىناۋ دەگەن ادامنىڭ ءسوزى قۇرىسىن! مەنني پاكياو: «ولار اۋسترالياداعى تورەشىلەردى اكەلىپ قويعان با؟ مەنىڭ ويىمشا GGG جەڭىسكە جەتتى، ءتىپتى مىقتىلاردىڭ ءوزى مويىنداپ وتىر» دەسە، بيللي دجو سوندەرس: «تەڭ كەزدەسۋ دەگەنىمىز، بۇل –  گولوۆكيندى توناۋ. مەن ءۇشىن گولوۆكين جەڭىمپاز. ءبارى مەنىڭ سىزدەرگە ايتقانىمداي بولدى، ءدال وسىنداي جوسپارلارى بار ەكەنىن ايتقان ەدىم»، – دەپ، كوكىدى. ەندى بىرەۋلەرى «الۆارەسكە بۇيرەگى بۇردى» دەپ تورەشى ايەلدى سوكتى. قازاق ەلىندەگى بۇگىنگى اڭگىمەنىڭ ءبارى گولوۆكيننىڭ توڭىرەگىندە بولدى.

اي، ەرمەلى قازاعىم-اي! گولوۆكين جەڭىلمەيتىن كىم ەدى؟ كۇنى كەشە (چەرنىي تيگر) راسۋل ميرزوەۆ سەسكەنگەن ارمان وسپانوۆ (سۇڭقار) باۋىرىمىز دا جەڭىلىس تاپقان بولاتىن. وعان پالەندەي قاپالانعان ەشكىمدى كورمەدىك. جەڭىلمەيتىن ءبىر اللا عانا ەكەنىن ءومىر دالەلدەپ تۇرعان جوق پا؟ ال ەندى گولوۆكيننىڭ شارشى الاڭعا شىققانعا دەيىنگى جارنامالارىن كوردىم. پىكىرلەرىنە ءمان بەرىپ توقتالدىم. پىكىردىڭ قانشاسىندا: «العا گەنا، ساعان الاڭدايمىز، ساعان سەنەمىز، اللادان دۇعا قىلىپ سۇرايمىز، تىلەيمىز، ءبىز تىلەكشىمىز»، ت.س.س تىلەكتەر لەگى جازىلعان. قامشىنىڭ قىسقا سابىنداي مىنا شولاق جالعاندا سولعان ۇرپاقتىڭ گۇلدەنۋىنە دۇعا قىلمايتىن ادامداردىڭ گەنانىڭ بەلبەۋىنە دۇعا قىلاتىندارىنا قالايشا تاڭدانبايسىڭ؟ تاڭ نامازىنا تۇرمايتىنداردىڭ گەنانىڭ جۇدىرىقتاسۋىن كورۋگە تۇراتىنىن قايتەرسىڭ؟ گەنا قازاقتىڭ نامىسىن قورعاپ ءجۇر دەگەندى قالايشا تۇسىنۋگە بولادى؟

سوندا گەنادان باسقالاردىڭ ءبارى نامىسسىز با؟ سوندا قۇداي-تاعالا بار قازاقتىڭ نامىستارىن سىلىپ الىپ. گەنانىڭ قاۋاشاعىنا قۇيىپ قويىپ پا؟ مەنىڭ جالپى گەنادا شارۋام جوق، مەنىڭ تۇسىنبەيتىنىم ونىڭ شاشباۋىن كوتەرىپ، ونىڭ تىلەۋىن تىلەيتىندەردە. گەنانىڭ ءبىر اياعى ەلدە بولعانىمەن، ەكىنشى اياعى بەلدە. قازاق جازيراسىندا قاۋىپتى جەل تۇرسا، گەناڭنىڭ شەتەلدەن ءبىر-اق شىعاتىنىنا ەش كۇمانىم جوق. گەنا قازاقتىڭ نامىسىن ەمەس، ءوزىنىڭ، جەكە ءوزىنىڭ ابىرويى مەن بەلبەۋىن عانا قورعاپ ءجۇر. سەنىڭ گەناڭا سەنىڭ ءتىلىڭ، جەرىڭ، ءدىنىڭ، ەلىڭ كوك تيىن. ءتىلشىنىڭ اعىلشىنشا قويعان ساۋالىنا تالتاڭداپ تۇرىپ اعىلشىنشا جاۋاپ قايىردى. ءدال سول جەردە وعان قازاقشا سۇراق قويىلسا ورىسشا جاۋاپ قاتقان بولار ەدى. «وسىلارعا وسى دا جارايدى» دەگەندەي، جاتتاپ العان: «الگا، كازاحيستان» دەگەن ەكى اۋىز قازاقشاسىن باسىپ كەپ قالادى. بەيشارا حالىق ءماز-مەيرام كۇيدە ىسقىرىقتىڭ استىنا الىپ، الاقانى جىرتىلعانشا شاپالاق ۇرادى.

وتىرىك بولماسا دالەل كەلتىرىڭدەرشى، گەنا ءبىزدىڭ قاي كەگىمىزدى، وزگەگە كەتكەن قاي جەرىمىزدى الىپ بەردى؟ قاي نامىسىمىزدى تاپتاتپاي قورعان بولىپ ءجۇر؟ ءبىزدى مازاق ەتكەن (ساشا كوەن) بوراتتى ىزدەپ بارىپ تۇمسىعىن بۇزسا ەكەن، «جيرەنوۆسكيدى» جەردەن الىپ جەرگە تىقسا ەكەن، قازاقتى اتقان وزبەك شەكاراشىلارىن كەزەك-كەزەك نوكاۋدقا ءتۇسىرىپ ۇرسا ەكەن، كۇنى كەشەگى قازاقتى جابىلىپ ساباعان بوق ساسىعان ۇندىستەردى بارىپ قورقىتسا ەكەن، ت.س.س تالاي ورىن العان كەلەڭسىزدىكتەردى ورنىنا قويسا ەكەن، وندا اڭگىمە ايتپاس ەدىم.

«شەتەلگە قازاق ەلىن تانىتىپ ءجۇر» دەگەن نە اڭگىمە؟ شەتەلدىكتەر ءبىزدى «بايلىعى كوپ، ميى جوق» حالىق رەتىندە اۋەلدەن تانيدى. شەتەلدىكتەردىڭ قايسىسى گولوۆكين ارقىلى يساتاي، ماحامبەت سەكىلدى قاس باتىرلارىمىزدىڭ بولعانىن ءبىلدى؟ ءبىزدىڭ قانشا مىقتىلارىمىز اۋىل شەتىندە ءجۇر. التىننان قىمبات سالماقتى ءبىر ءسوزى ەلەنبەيدى. ەل ءۇشىن اتقارعان ساۋاپتى ءبىر ءىسى ەسكەرىلمەيدى. كەرىسىنشە قوعام ولاردان تەرروريست، ۆاحابيست، بۇلىكشى دەپ قورقادى.

ينتەرجەلىدە اقوردا نازارباەۆتىڭ گولوۆكين - الۆارەس جەكپە-جەگىن كورىپ وتىرعان ءساتىنىڭ سۋرەتىن جاريالادى. ال ەلدەگى ۇلتشىل باۋىرلارىمىزدىڭ جانايقايى، نامازحاندارىمىزدىڭ «ورامال داۋى» سەكىلدى پروبلەمالارى، ەلباسىعا جەتپەيتىندىكتەن قازىرگى ادامدار «بەينەجولداۋلار» ارقىلى پرەزيدەنتكە وزەكتى ماسەلەلەردى، ءوز ۋاجدەرىن ايتىپ ەش جاۋاپ الا الماي ءجۇر. گەناعا بولگەن ۋاقىتى سەكىلدى ولارعا دا ۋاقىت ءبولۋدى ادىلەتتىلىك دەپ بىلەر ەدىم. دوس كوشىم، سابىر-اداي،  قاجىمۇقان عابدوللا، جانىبەك قوجىق، ت.س.س ەلدىڭ سويىلىن سوعاتىندارعا بولىنبەيتىن ۋاقىتتاردىڭ ۆەلەشاباندوز ۆينوكۋروۆ، جەلاياق ولگا شيشيگينا سەكىلدىلەرگە بولىنەتىندەرى ەرىكسىز ءىشىڭدى قىنجىلتادى ەكەن.

تۇرار شاپقارا

Abai.kz

89 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2779
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2134
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2895