ميانماداعى مۇسىلمان دىنىندەگى روحيندجا ازشىلىعىنا قاتىستى ەتنوتسيدكە (يə، يə، جاپپاي جازىپ جاتقانداي گەنوتسيد ەمەس، ەتنوتسيد دەپ ەسەپتەر ەم، سەبەبى قىرعىن روحيندجا اتالاتىن ەتنيكالىق ازشىلىققا قاتىستى) بايلانىستى بىزگە تۇيەر قورىتىندى، الار ساباق قانداي بولۋى كەرەك؟!

ول - ءدىني ەكسترەميزم، ناتسيزم، سەپاراتيزم، كسەنوفوبيا، انتيسەميتيزم دەگەن كەسەلدەرگە ۇرىنباۋ.

ول - ۇلكەن ويىن الاڭىندا ءجۇرىپ جاتقان اقپاراتتىق سوعىستا فاكتچەكينگكە، تەك قانا فاكتچەكينگ پەن پاراساتقا جۇگىنۋ.

ول - وزگەنىڭ (باسقا ۇلتتار مەن حالىقتار، حريستيان، بۋددا، سالافيت، نە يەگوۆاشىلار، باحايلار ت.ب. كەتە بەرەدى) دە قادىر-قاسيەتىن، ار-ۇجدان بوستاندىعىن، ءومىر ءسۇرۋ قۇقىن قۇرمەتتەۋ.

ول - " ماحابباتپەن جاراتقان ادامزاتتى،

سەن دە ءسۇي ول اللانى جاننان ءتاتتى.

ادامزاتتىڭ ءبارىن ءسۇي باۋىرىم دەپ،

جانە حاق جولى وسى دەپ ادىلەتتى.

وسى ءۇش ءسۇيۋ بولادى يماني گۇل،

يماننىڭ اسىلى ءۇش دەپ سەن تاحقيق ءبىل.

ويلان داعى، ۇشەۋىن تاراتىپ باق،

باستى بايلا جولىنا، مالىڭ تۇگىل."- دەگەن ۇلى ابايدىڭ عالامات گۋمانيزمىن جالپىۇلتتىق كرەدو ەتىپ ۇستانۋ.