جۇما, 29 ناۋرىز 2024
4123 0 پىكىر 5 قىركۇيەك, 2017 ساعات 11:42

ءسىم: يراكتاعى سوعىس ايماعىنان 4 قازاقستاندىق ەلگە ورالدى

بۇعان دەيىن يراكتاعى سوعىس ءجۇرىپ جاتقان ايماقتاردان شىعارىلعان قازاقستاننىڭ ءتورت ازاماتى رەسەيدىڭ كومەگىمەن ەلگە جەتكىزىلدى دەپ حابارلادى سىرتقى ىستەر مينيسترلىگىنىڭ ء(سىم) ءباسپاسوز حاتشىسى ءانۋار جايناقوۆ. ءتورت ازاماتتىڭ ءبىرى - 1985 جىلى تۋعان ايەل، قالعان ۇشەۋى - بالالار.

سونىمەن قاتار قازاقستان ازاماتتارى - ءۇش بالا جانە ولاردىڭ اناسى، رەسەيلىك ايەل گروزنىيعا جەتكىزىلگەن جانە قازىر سوندا تۇرىپ جاتىر. جايناقوۆ ەكى وتباسى دا اقتاۋ قالاسىنىڭ تۇرعىندارى ەكەنىن ايتادى.

تامىزدىڭ 25-ءى كۇنى ءسىم يراكتىڭ سوعىس ءجۇرىپ جاتقان ايماقتارىنان قازاقستاننىڭ 14 ازاماتى شىعارىلعانىن جانە ولاردى قازاقستانعا ەۆاكۋاتسيالاۋعا دايىندالىپ جاتقانىن حابارلاعان بولاتىن. 14 ادامنىڭ بىرەۋى ەر، ۇشەيى ايەل، قالعانى - بالالار.

جايناقوۆتىڭ Facebook-تە جازۋىنشا، قالعان ازاماتتار ءالى يراكتا. قازىر قازاقستاننىڭ يوردانيا مەن يراكتاعى كونسۋلى ولاردى وتانىنا ەۆاكۋاتسيالاۋ ماسەلەسىن شەشىپ جاتىر.

ول يراكتاعى قازاقستاندىقتارعا قاتىستى تولىعىراق اقپاراتتىڭ كەيىنىرەك بەرىلەتىنىن ايتادى.

24 تامىزدا رەسەيدىڭ شەشەنستان رەسپۋبليكاسىنىڭ باسشىسى رامزان قادىروۆ Instagram-دا يراكتىڭ كۇردىستان ايماعىنداعى تال-افار قالاسىنان رەسەيدىڭ التى، قازاقستاننىڭ التى ازاماتى قۇتقارىلعانىن جازعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3582