قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى ەلىمىزدە تۇرىپ ءومىر ءسۇرىپ جاتقان ۇلت وكىلدەرىنىڭ (دياسپورالاردىڭ) تىلدەرى كۇنىنە وراي «اباي وقۋلارى» رەسپۋبليكالىق بايقاۋىن وتكىزەدى دەپ حابارلايدى اباي-اقپارات.

1. جالپى ەرەجەلەر

1. «اباي وقۋلارى» رەسپۋبليكالىق بايقاۋى (بۇدان ءارى – بايقاۋ) ەتنوس جاستارى وكىلدەرى اراسىندا قازاقستان حالقى تىلدەر كۇنىنە وراي وتكىزىلەدى.

2. بايقاۋدى وتكىزۋدىڭ ماقساتى قازاق ءتىلىنىڭ كوركەمدىك ەرەكشەلىگىن، باي سوزدىك قورىن، اباي شىعارماشىلىعىن ناسيحاتتاۋ ارقىلى قازاقتىڭ ءتىلى مەن ادەبيەتىنە، مادەنيەتىنە دەگەن ەتنوس وكىلدەرىنىڭ ىقىلاسىن ارتتىرۋ ءارى ەلىمىزدىڭ رۋحاني بىرلىگىن نىعايتۋ.

3. بايقاۋ مەملەكەتتىك تىلدە وتەدى.

4. بايقاۋ ەكى كەزەڭدە وتكىزىلەدى.

1) ءبىرىنشى كەزەڭ – وبلىستاردا جانە استانا، الماتى قالالارىندا
2017 جىلعى 10 تامىزىنا دەيىن وتكىزىلدى.

2) ەكىنشى كەزەڭ – رەسپۋبليكالىق بايقاۋ، 2017 جىلدىڭ قازان ايىنا دەيىن وتەدى.

5.بايقاۋعا كوركەم ءسوز وقۋ جانە ءان ايتۋ شەبەرلىگىن قاتار يگەرگەن 18-22 جاس ارالىعىنداعى قازاقستاننىڭ ەتنوس وكىلدەرى قاتىسا الادى. بۇرىنعى رەسپۋبليكالىق بايقاۋدىڭ جەڭىمپازدارى مەن جۇلدەگەرلەرى (باس جۇلدە، ءى، ءىى، ءىىى ورىن يەگەرلەرى) وسى بايقاۋعا قاتىستىرىلمايدى.

2. بايقاۋدى ۇيىمداستىرۋ ءتارتىبى

6. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى (بۇدان ءارى – كوميتەت) بايقاۋدىڭ ۇيىمداستىرۋشىسى بولىپ تابىلادى.

7. بايقاۋدى وتكىزۋ تۋرالى حابارلاندىرۋ وڭىرلىك، رەسپۋبليكالىق باق-تا جاريالانادى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ رەسمي سايتىندا ورنالاستىرىلادى.

8. وبلىستار مەن استانا جانە الماتى قالالارىنىڭ جەرگىلىكتى اتقارۋشى ورگاندارى (تىلدەردى دامىتۋ باسقارمالارى) ءبىرىنشى كەزەڭنىڭ جەڭىمپازدارى تۋرالى مالىمەتتى ەكىنشى كەزەڭگە قاتىسۋ ءۇشىن كوميتەتكە 2017 جىلعى 10 تامىزعا دەيىن ۇسىنىلدى.

9. كوركەمسوز وقۋ شەبەرلىگىن انىقتاۋ ءۇشىن تومەندەگىدەي تالاپتار قويىلادى:

1) اباي شىعارمالارىن ء(بىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن) جاتقا مانەرلەپ وقۋ. ورىنداۋ ۋاقىتى 3-4 مينۋتتان اسپاۋى ءتيىس;

2) م.اۋەزوۆتىڭ «اباي جولى» رومانىنان ءۇزىندىنى كوركەم شەبەرلىكپەن جاتقا ورىنداۋ (3-4 مينۋت).

10. انشىلىك قابىلەتىن ايقىنداۋ:

1) حالىق جانە اباي اندەرىن ورىنداۋ (1 ءان). ۋاقىتى 3-5 مينۋتتان اسپاۋى ءتيىس.

3. بايقاۋ قاتىسۋشىلارىن باعالاۋ

11. بايقاۋ قاتىسۋشىلارىنىڭ جۇمىسىن باعالاۋ جانە جەڭىمپازدار مەن جۇلدەگەرلەردى انىقتاۋ ءۇشىن قازىلار القاسى قۇرىلادى. قازىلار القاسىنىڭ قۇرامىن كوميتەت انىقتايدى. قازىلار القاسىنىڭ قۇرامى ءتىل مەن ادەبيەت، پەداگوگيكا سالالارىنىڭ عالىمدارى، زيالى قاۋىم وكىلدەرى، مادەنيەت جانە ونەردىڭ بەدەلدى قايراتكەرلەرىنەن قۇرالادى. ساندىق قۇرامى 5-7 ادامنان اسپاۋى ءتيىس. قازىلار القاسىنىڭ قۇرامى توراعادان جانە مۇشەلەرىنەن تۇرادى.

12. قازىلار القاسى شەشىم شىعارۋ بارىسىندا كەلەسى كريتەريلەردى باسشىلىققا الادى:

1) كوركەم ءماتىندى تاڭداۋ جانە وقۋ شەبەرلىگى;

2) قازاق ءتىلىنىڭ ورفوەپيالىق نورمالارىن ساقتاۋى;

3) ءان ورىنداۋ شەبەرلىگى;

4) ساحنادا ونەر كورسەتۋ مادەنيەتى جانە قازاقتىڭ ۇلتتىق كيىم ۇلگىسى.

13. بايقاۋدىڭ جەڭىمپازدارى مەن جۇلدەگەرلەرى قازىلار القاسىنىڭ داۋىس بەرۋ قورىتىندىسى بويىنشا ايقىندالادى.

14. بايقاۋ جەڭىمپازدارى مەن جۇلدەگەرلەرى ارنايى ديپلومدارمەن، العىسحاتتارمەن جانە اقشالاي سىيلىقتارمەن ماراپاتتالادى.

مەكەنجايىمىز: استانا قالاسى، ورىنبور كوشەسى، 8, 15-كىرەبەرىس، قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى.

بايلانىس تەلەفوندارى: 8(7172) 74-09-85, 74-05-03, 74-14-97, 40-83-67, 40-83-93.

Abai.kz