بەيسەنبى, 28 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4768. قايتىس بولعاندار — 37
ءدىن مەن ءتىن 3415 18 پىكىر 1 قىركۇيەك, 2017 ساعات 08:36

ەلباسى قۇربان ايت مەيرامىمەن قۇتتىقتادى

قر پرەزيدەنتى نۇرسۇلتان نازارباەۆ بۇكىل مۇسىلمان جۇرتشىلىعىن قاسيەتتى قۇربان ايت مەرەكەسىمەن قۇتتىقتادى، - دەپ حابارلايدى اباي-اقپارات اقوردانىڭ ءباسپاسوز قىزمەتىنە سىلتەمە جاساپ. ءبىز ەلباسىنىڭ قۇتتىقتاۋىن وقىرمان نازارىنا ۇسىنامىز.

قۇرمەتتى وتانداستار!

بارشاڭىزدى الەمدەگى كۇللى مۇسىلماندار ءۇشىن قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىن!

قۇربان ايت – ىزگىلىك پەن مەيىرباندىقتىڭ، جاقسىلىق پەن قايىرىمدىلىقتىڭ مەيرامى.

وسىناۋ ايتۋلى كۇندەردە جۇرەگىنە يمان ۇيالاعان ءاربىر ادام جاقسى ىستەر جاساۋعا، كومەككە مۇقتاج جاندارعا قول ۇشىن سوزىپ، اينالاسىنا قۋانىش سىيلاۋعا تىرىسادى.

ءبىزدىڭ ەلىمىزدە قۇربان ايت ءارتۇرلى ەتنوستار مەن ءدىن وكىلدەرى اراسىندا ءوزارا سىيلاستىقتىڭ، دوستىق پەن بىرلىكتىڭ بىرەگەي داستۇرلەرىن ساقتاۋعا جانە ونى نىعايتا تۇسۋگە ىقپال ەتەدى.

قازاقستان حالقىنىڭ ۇلتتىق بىرەگەيلىگىن، يگى قۇندىلىقتارىن، سان عاسىرلىق مادەني جانە تاريحي مۇرالارىن ساقتاپ، ودان ءارى دامىتا تۇسۋگە سەپتىگىن تيگىزەدى.

ءبىزدىڭ ەلىمىزدە وسىناۋ جارقىن مەيرامنىڭ العاشقى كۇنى ارنايى دەمالىس كۇنى رەتىندە جاريالانىپ، ادامداردىڭ قۇربان شالۋىنا، اللاعا جالبارىنىپ، ىزگى تىلەكتەر تىلەۋىنە بارلىق جاعداي جاسالعان.

بارشاڭىزدى بۇگىنگى قاسيەتتى مەيراممەن قۇتتىقتاي وتىرىپ، زور دەنساۋلىق، باقىت، تىنىشتىق، اماندىق پەن ءوسىپ-وركەندەۋ تىلەيمىن!

ايت قابىل بولسىن!

Abai.kz

18 پىكىر