جۇما, 29 ناۋرىز 2024
4425 0 پىكىر 29 تامىز, 2017 ساعات 10:00

اتامباەۆ "دوسىنىڭ" قىرعىز پرەزيدەنتى بولعانىن قالايدى

قىرعىزستان پرەزيدەنتى المازبەك اتامباەۆ كۇزدەگى پرەزيدەنتتىك سايلاۋدان سوڭ ءوزىنىڭ جاقتاستارى بيلىك باسىندا قالادى دەپ ۇمىتتەنەدى.

28 تامىزدا وزگەن قالاسىنىڭ تۇرعىندارىمەن كەزدەسكەن اتامباەۆ پرەزيدەنتىككە ۇمىتكەر سوورونباي جەەنبەكوۆتى "دوسىم" دەپ، ال جاڭادان تاعايىندالعان پرەمەر-مينيستر ساپار يساكوۆتى ء"وزىم تاربيەلەگەن جاس جىگىت" دەپ سيپاتتادى.

"دوسىمنىڭ پرەزيدەنت بولىپ سايلانۋى مۇمكىن. ءوزىم تاربيەلەگەن جاس جىگىت پرەمەر-مينيستر بولدى. ۇكىمەتكە جاستار كەلىپ جاتىر. ولار مەن باستاعان جولعا ءتۇسىپ، ىستەردى سوڭىنا دەيىن بىتىرەدى", - دەدى اتامباەۆ.

اتامباەۆ ء"بىر ادام ءبىر عانا مەرزىم پرەزيدەنت بولادى" دەگەن كونستيتۋتسيالىق شەكتەۋگە بايلانىستى قايتا سايلاۋعا تۇسە المايدى.

بىلتىر جەلتوقساندا اتامباەۆ باستاما كوتەرىپ، كونستيتۋتسياعا وزگەرىس ەنگىزۋ بويىنشا رەفەرەندۋم ۇيىمداستىرىلعان. جاپپاي داۋىس بەرۋ ارقىلى پرەمەر-ءمينيستردىڭ وكىلەتى كۇشەيتىلگەن.

قىرعىزستانداعى پرەزيدەنتتىك سايلاۋ 15 قازاندا وتەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606