جۇما, 1 شىلدە 2022
انىق-قانىعى 5009 15 پىكىر 26 تامىز, 2017 ساعات 10:40

بالالار ءۇيىنىڭ تاربيەلەنۋشى قىزدارى اراسىندا پينگ-پونگ حانشايىمدارى بەلگىلى بولدى

24-تامىز كۇنى "Abai.kz" اقپاراتتىق پورتالىندا "قىتايلىقتار قازاقستاننىڭ جەتىمدەر ۇيىندەگى قىزدارىنا كوز سالا باستادى" اتتى ماقالا جاريا بولدى. ماقالا اۆتورى - ءشارىپحان قايسار. بۇل ماسەلە قوعامدا قىزۋ تالقىعا ءتۇستى. ءتۇرلى پىكىرلەر ايتىلدى. "Abai.kz" ەركىن اقپارات الاڭى. وي جارىستىرىپ، پىكىر تالاستىرۋ ءسىزدىڭ ەركىڭىزدە.

بۇگىن رەداكتسيامىزعا ۇيىمداستىرۋشىلار حابارلاسىپ، ءشارىپحان قايساردىڭ ماقالاسى شىندىققا جاناسپايتىنىن ەسكەرتىپ، قوعامدا داۋ تۋدىرعان "پينگ-پونگ حانشايىمى" اتتى كونكۋرس تۋرالى اقپاراتىمەن ءبولىستى.

رەداكتسيا


 

«پينگ-پونگ حانشايىمى» دەپ اتالاتىن بۇل الەۋمەتتىك جوبا قازاقستاندا العاش رەت بالالار ءۇيىنىڭ تاربيەلەنۋشى قىزدارى اراسىندا قىتاي ەلىنە بارۋعا مۇمكىندىك بەرەتىن ۇستەل تەننيسىنەن ءتۋرنيرى.  تۋرنير قورتىندىسى بويىنشا جەڭىمپازدار پەكين قالاسىنداعى سپورت اكادەمياسىنىڭ جاتتىقتىرۋشىلارىنان ۇستەل تەننيسىنەن ارنايى شەبەرلىك سىنىبىنان وتۋگە مۇمكىندىككە يە بولادى.

بۇگىن «باۋىرجان» قايىرىمدىلىق قورى الماتىداعى قىتاي حالىق رەسپۋبليكاسىنىڭ باس كونسۋلدىعى، «نۇر وتان» پارتياسى، قازاقستان رەسپۋبليكاسىنىڭ ۇستەل تەننيس فەدەراتسياسى جانە Huawei Kazakhstan كومپانياسىمەن قازاقستانداعى العاش رەت وتكىزىلىپ وتىرعان بالالار ءۇيىنىڭ تاربيەلەنۋشى قىزدارى اراسىندا پينگ-پونگ ءتۋرنيرىنىڭ فينال ويىندارى ءوتتى.

ەكى اي قاتارىنان قازاقستاننىڭ 10 ايماعىندا ىرىكتەۋ ويىندارى ءوتتى. جالپى تارتىسقا    ەلىمىزدىڭ 40 بالالار ۇيلەرىنەن  60 تاربيەلەنۋشى قىزدار قاتىستى. الماتى قالاسىندا تامىز ايىنىڭ 23 كۇنى 21 بالالار ءۇيىنىڭ تاربيەلەنۋشى قىزدارى باستى سىيلىق- قىتاي ەلىندە ۇستەل تەننيسىنەن كاسىبي شەبەرلىك سىنىبىنان ساباق الۋعا وتۋگە مۇمكىندىك بەرەتىن تارتىس وتەدى.                            

                                

فينال ويىندارى الماتى قالاسىندا قازاقستاننىڭ ۇستەل تەننيسى فەدەراتسياسىنىڭ عيماراتىندا وتەدى. اتالمىش شاراعا ۇيىمداستىرۋشىلارمەن قاتار «الاتاۋ» جۇلدىزداردان قۇرالعان فۋتبول كلۋبىنىڭ ويىنشىسى مارسەل مەن تانىمال راديوجۇرگىزۋشى نۇرجان ەركىنۇلى قاتىستى.

 «باۋىرجان» قورىنىڭ اتىنان جوبا ۇيلەستىرۋشىسى مايرا الجانوۆا قىتاي ەلىنە مۇمكىندىك بەرگەن بۇل جوبا قاتىسۋشى قىزدارعا تەك قۋانىش سىيلاپ قانا قويماي، ارقايسىسىنىڭ بويىنداعى سپورتقا دەگەن تالابى مەن تالانتىن بايقاتتى دەۋگە بولادى دەپ سانايدى.

مايرا الجانوۆا:                                                          

 - سپورت شىڭدايدى. تۋرنيردىڭ باستى ماقساتى دا سول وسكەلەڭ جاستاردىڭ اراسىنان تالانتتاردى تاۋىپ ولارعا جول كورسەتۋ، سپورتپەن شۇعىلدانۋعا مۇمكىندىك بەرۋ.  

سالتاناتتى شارادا قاتىسۋشىلاردى «نۇر وتان» پارتياسىنىڭ الماتى قالالىق فيليالى توراعاسىنىڭ ورىنباسارى قايىم-مۇنار تابەەۆ قۇتتىقتادى.           

قۇرمەتتى جاس سپورتشىلار!  3 كۇن  قاتارىنان بىزگە مەرەكە سىيلاعاندارىڭىز ءۇشىن راحمەت! ءومىر-جەڭىستەر مەن جەڭىلىستەردەن تۇرادى سوندىقتان، اركەز مويىماي تەك العا ۇمتىلىڭدار! ەڭ باستى بەلەستەرىن ءالى الدا»، - دەدەن ول جاسوسپىرىمدەرگە ءسات-ساپار تىلەدى.

كوپتەن كۇتكەن چەمپيوننىڭ كۋبوگى مەن قىتاي ەلىنە بارار جولدامانى قحر الماتى قالاسىنداعى باس كونسۋلىنىڭ ورىنباسارى گو سينتسياونىڭ قولىنان  7-10 جاس ەرەكشەلىگى بويىنشا تۋرنيردىڭ ەڭ جاس قاتىسۋشىسى قوستاناي وبلىستىق بالالار ءۇيىنىڭ تاربيەلەنۋشىسى 9-جاسار ماريا زاموتويلو مەن 11-15 جاس ەرەكشەلىگى بويىنشا 13-جاسار پاۆلادار وبلىسىنىڭ قاشىر بالالار ءۇيىنىڭ تاربيەلەنۋشى قىزى الدى.

 

ماريا زاموتويلو (جەڭىمپاز):                           

- بۇل جەڭىس وڭاي كەلمەدى. بارلىق قارسىلاستارىم جاقسى دايىندىقپەن كەلىپتى. بىراق مەن ءوزىمنىڭ مىقتى ەكەنىمدى بايقاتتىم. سەبەبى، جەڭەتىنىمە سەندىم. ەندى قىتاي ەلىنە باراتىنىما قۋانىشتىمىن!

گو سينتسياو (قحر الماتى قالاسىنداعى باس كونسۋلىنىڭ ورىنباسارى):

- بۇل جوباعا قاتىسىمىز بولعانىنا وتە ريزامىن. بۇل جوبانى ءارى قاراي قولداپ، بالالار ءۇشىن بارلىق جاعداي جاساۋعا تىرىسامىز.  تۋرنير ارقاسىندا قازاقستان ەلى مەن قىتاي ەلىنىڭ قارىم-قاتىناسى نىعايا تۇسەتىنىنە سەنىمىمىز مول.

تۋرنيردىڭ باستى ماقساتى – جەتىم بالالار اراسىنداعى ۇستەل تەننيسى دارىندارىن تاۋىپ، قازاقستاندىق تەننيس دەڭگەيىنىڭ ارتۋىنا ءبىرشاما ۇلەس قوسۋدى ماقسات تۇتادى.  تۋرنير قىزدار اراسىندا 2-جاس ەرەكشەلىكتەرى بويىنشا وتەدى: 7– 10 جاس پەن 11 – 15 جاس ارالىعى.   

تۋرنير ۇيىمداستىرۋشىلارى بۇل جوبانى قازاقستاندىق جاستاردىڭ اراسىندا سپورتقا دەگەن قىزىعۋشىلىقتارىن وياتۋ ماقساتىندا ەلىمىزدىڭ تۇكپىر-تۇكپىرىندەگى 100 جەتىمدەر ۇيىنە 100 تەننيس وينايتىن ۇستەل مەن جابدىقتارىمەن قامتاماسىز ەتتى.  ەندى بالالار ءۇيىنىڭ تاربيەلەنىشىلەرى وليمپيادالىق سپورت تۇرىنە ەنەتىن ۇستەل تەننيسىن ويناپ جاتتىعۋعا زور مۇمكىندىككە يە بولادى. 

7-10 جاس اراسىنداعى جەڭىمازدار:                                                                                 

I ورىن - ماريا زاموتويلو (قوستاناي قالاسى)                         

II ورىن - ۆەرا مولوتكوۆا (ورال قالاسى)                                

III ورىن - ناتاليا گۋرينا (الماتى وبلىسى)

11-15 جاس اراسىنداعى جەڭءىمازدار:       

I ورىن - لاۋرا مۇحامەتجانوۆا (پاۆلودار وبلىسى)

II ورىن – نازي جالاگونيا (اقمولا وبلىسى)

III ورىن - ءنازيرا ابىلقاسوۆا (قاراعاندى وبلىسى)

Abai.kz

15 پىكىر

ۇزدىك ماتەريالدار