جۇما, 29 ناۋرىز 2024
باسە... 13068 55 پىكىر 10 تامىز, 2017 ساعات 12:52

 ەتنيكالىق قازاقتاردىڭ ەكستەرميستىك ۇيىمدارعا قاتىسى جوق

 

قىتاي حالىق رەسپۋبليكاسىنان كەلگەن ەتنيكالىق قازاقتاردىڭ تەرروريستىك جانە ەكسترەميستىك ۇيىمدارعا قاتىسى جوق دەپ مالىمدەدى قر ىشكى ىستەر مينيسترلىگىنىڭ ەكسترەميزمگە قارسى ءىس-قيمىل دەپارتامەنتى «نۇر وتان» پارتياسىنا.

ەستەرىڭىزگە سالا كەتەيىك، بۇنىڭ الدىندا اقىن، قوعام بەلسەندىسى گۇلىسحان دومالاي باستاعان 17 ادام «نۇر وتان» پارتياسىنىڭ رەسپۋبليكالىق قوعامدىق قابىلداۋ ءبولىمىنىڭ مەڭگەرۋشىسى جۇماجان جۇكەنوۆ مىرزانىڭ اتىنا حات جازىپ، «قحر-دان قونىس اۋدارىپ كەلىپ قازاقستاننىڭ ازاماتتىعىن العان قانداستارىمىزدىڭ اراسىندا سيرياعا كەتكەندەر، سونداي-اق تەررورلىق جانە ەكسترەميستىك ۇيىمدارمەن بايلانىس جاساپ ۇستالعاندار بار ما؟» دەگەنگە ساياتىن ساۋال قويعان ەدى. بۇل حاتتى «نۇر وتان» پارتياسىنىڭ رەسپۋبليكالىق قوعامدىق قابىلداۋ ءبولىمىنىڭ مەڭگەرۋشىسى جۇماجان جۇكەنوۆ قر ىشكى ىستەر مينيسترلىگىنىڭ ەكسترەميزمگە قارسى ءىس-قيمىل دەپارتامەنتىنە جولداعان. اتالعان دەپارتامەنتتەن كەشە جۇماجان قامكەنۇلىنىڭ اتىنا جاۋاپ حات كەلدى. دەپارتامەنتتىڭ جاۋاپ حاتىندا «... ارىز بويىنشا جۇرگىزىلگەن تەكسەرۋ ءىس-شارالارىنىڭ بارىسىندا قازاقستان رەسپۋبليكاسى ازاماتتارىنىڭ اراسىندا تەرروريستىك جانە ەكسترەميستىك قىلمىستاردى جاساعانى، ونىڭ ىشىندە شەتەلدە حالىقارالىق تەرروريستىك ۇيىمداردىڭ قىزمەتىنە قاتىسقانى ءۇشىن ىزدەستىرۋدەگى، قازاقستاننىڭ ازاماتتىعىن العان قحر-دان كەلگەن ورالمانداردىڭ جوقتىعى انىقتالدى» دەپ  جازىلىپتى.

«قر ازاماتتىعىن العان ورالمان قازاقتار مەن ەتنيكالىق ۇيعىرلار قازاقستان ارقىلى سيرياعا كەتىپ جاتىر» دەگەن قاۋەسەتتى اقىن، عالىم دۇكەن ءماسىمحانۇلىنىڭ اۋزىمەن «پەرۆىي كانال - ەۆرازيا» ارناسى تاراتقان بولاتىن.

كەيىن دۇكەن ءماسىمحانۇلى  «پەرۆىي كانال - ەۆرازيا» ارناسى ءسوزىمدى بۇرمالاپ جىبەردى" دەپ، ودان سوڭ: "الگىندەي جاڭساق ءسوزدى ەل اۋزىنان ەستىگەن ەدىم" دەدى. قر ىشكى ىستەر مينيسترلىگىنىڭ ەكسترەميزمگە قارسى ءىس-قيمىل دەپارتامەنتىنىڭ باستىعى ا. ارىستانوۆتىڭ «نۇر وتان» پارتياسىنىڭ رەسپۋبليكالىق قوعامدىق قابىلداۋ ءبولىمىنىڭ مەڭگەرۋشىسى جۇماجان جۇكەنوۆ مىرزانىڭ اتىنا جولداعان جاۋاپ حاتىندا دا دۇكەن ءماسىمحانۇلىنىڭ قاتە اقپاراتتارعا ۇرىنعانى كورسەتىلىپتى. قاراڭىز:

وسى كۇندەرى قحر-دىڭ شىڭجاڭ ۇيعىر اۆتونوميالى اۋدانىندا ەتنيكالىق قازاقتاردىڭ ءارتۇرلى ساياسي قىسىمعا ۇشىراپ جاتقانى، قىتايدىڭ «ساياسي اعارتۋ» ورتالىقتارىنا الىنىپ، ءتىپتى، قايسىبىرىنىڭ سەبەپسىزدەن سەبەپسىز سوتتالىپ كەتكەنى بەلگىلى بولۋدا. دەرەكتەرگە قاراعاندا، جەرگىلىكتى بيلىك قازاقتاردىڭ ءدىني نانىم-سەنىمىنە قارسى قاتاڭ باقىلۋ ورناتىپ، قىسىمعا الىپ جاتقان كورىنەدى.

 

Abai.kz

55 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620