جۇما, 29 ناۋرىز 2024
«سوقىر» فەميدا 5939 0 پىكىر 9 تامىز, 2017 ساعات 12:48

جامپوزوۆتىڭ ۇلىنا "پروكۋوردى ۇردى" دەگەن ايىپ تاعىلۋدا

قازاقستاننىڭ سوت جۇيەسىنەن ادىلەت ىزدەپ، اقىرىندا اتىلىپ ولگەن ومىربەك جامپوزوۆتىڭ ىسىنە قاتىستى داۋى قايتا ۋشىقتى.

بۇل جولى مارقۇم ومىربەك جامپوزوۆتىڭ ۇلى اسىلجان جامپوزوۆقا قاتىستى قىلمىستىق ءىس قوزعالىپ جاتىر.

"informburo.kz" تاراتقان اقپاراتقا سۇيەنسەك، اسىلجان جامپوزوۆقا قاتىستى پروكۋرورعا شابۋىل جاساۋ فاكتىسى بويىنشا قىلمىستىق ءىس قوزعالعان.

اسىلجاننىڭ ايتۋىنشا، قۇقىق قورعاۋ ورگاندارى تاراپىنان ءتۇرلى قىسىم جاسالىپ جاتىر ەكەن.

ال قىلمىستىق ءىستىڭ قوزعالۋى مەن پروكۋرورعا شابۋىل جايلى اسىلجان جامپوزوۆ باق وكىلدەرىنە ءوزى ايتىپ بەردى.

"مەن اكەمنىڭ قان-جوسا بولعان ءتۇرىن كوردىم. قاسىندا قۇقىق قورعاۋ ورگانىنىڭ وكىلدەرى بولعان. مەن اكەمنىڭ مايىتىنە جەتۋ ءۇشىن جانتالاسىپ جاتقاندا بىرەۋىن قولىممەن قاعىپ كەتكەن بولۋىم كەرەك. ناقتى بىلمەيمىن. مەن ول كەزدە اففەكت كۇيدە بولدىم", - دەيدى اسىلجان.

سونداي-اق، اسىلجان باق وكىلدەرىنە اكەسىن جەرلەگەن كۇننىڭ ەرتەسىنەن باستاپ تەلەفون ارقىلى ءتۇرلى قوقان-لوققى جاسالعانىن دا اشىپ ايتتى.

"ماعان ءبىر تانىسىم كەلىپ جولىقتى. ماعان قارسى قوقان-لوققى، ۇركىتۋ-قورقىتۋ سول تانىسىم ارقىلى جاسالدى. ول قۇقىق قورعاۋ ورگاندارى مەنى قاماپ،قاتاڭ جازا قولداناتىنىن ايتتى. مەنى توقتاتۋ ءۇشىن قىلمىستىق ءىس قوزعالاتىنىن دا ەسكەرتتى. ال بۇل ارەكەتتەردى كىمنىڭ جاساپ وتىرعانىن اشىق ايتا المايمىن", - دەپتى اسىلجان جامپوزوۆ.

ءبىز ومىربەك جامپوزوۆ ىسىنە قاتىستى بىرنەشە مارتە جازعان ەدىك.

ەستەرىڭىزگە سالا كەتەيىك، 2017 جىلدىڭ شىلدەسىندە مارقۇم ومىربەك جامپوزوۆتىڭ ۇلى اسىلجان جامپوزوۆ سوتتان مارقۇم اكەسىن اقتاۋدى تالاپ ەتەتىنىن حابارلاعان ەدى.

"مەن اكەمنىڭ قازاسىنا بايلانىستى ءىستى توقتاتۋ تۋرالى شەشىممەن كەلىسپەيمىن. ويتكەنى اكەم كىناسىز ەدى. مەن اكەمدى تولىق اقتاۋدى تالاپ ەتەمىن", - دەگەن ەدى ول.

ءسويتىپ، اقمولا وبلىسىنا قاراستى تسەلينوگراد اۋداندىق سوتىنىڭ وكىلى تولەگەن تۇرعامباەۆ 24 شىلدە كۇنى ءىستى قايتا قوزعاعان.

ايتا كەتەيىك، ومىربەك جامپوزوۆقا قاتىستى قىلمىستىق ءىس قوزعالىپ، اياعىندا كۇدىكتى وزىنە ءوزى قول جۇمساپ دۇنيەدەن قايتقان ەدى. وعان 600 ميلليون تەڭگەنى جىمقىردى دەگەن كۇدىك تاعىلىپ، 5 جىل باس بوستاندىعىنان ايىرۋ جازاسى سۇرالعان بولاتىن.

نۇرزات توعجان

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624