جۇما, 29 ناۋرىز 2024
4850 3 پىكىر 25 شىلدە, 2017 ساعات 09:49

وربۇلاق شايقاسىنىڭ ىزىمەن...

جەتىسۋ وڭىرىندە «وربۇلاق شايقاسىنىڭ ىزىمەن» اتتى اقپاراتتىق كۆەست ءوتتى. «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جۇزەگە اسىرۋ ماقساتىندا الماتى وبلىسىندا وتكەن شاراعا وربۇلاق شايقاسىن زەرتتەپ جۇرگەن ءبىر توپ ازاماتتار قاتىستى. اتاپ ايتساق، قر پارلامەنت ءماجىلىسىنىڭ دەپۋتاتى ن.جازىلبەكوۆ، وربۇلاق شايقاسى نەگىزىندە جازىلعان «ۆوسكرەشايۋششيە لەگەندى» اتتى روماننىڭ اۆتورى  ت.ەرماشەۆ، «تابيعات» ەكو-بىرلەستىگىنىڭ،  قازاقستاندىق كاراۆانينگ پەن كەمپينگتىڭ توراعاسى ب. شاپاگاتوۆا،  «اۋىلدى كوتەرەمىز – ۆوزروديم سەلو» قوعامدىق بىرلەستىك توراعاسى ك.جانابيلوۆ، عالىمدار، جازۋشىلار، بەلگىلى جۋرناليستەر مەن رەسپۋبليكالىق بلوگەرلەر توپ قۇرامىندا بولدى.

ەل ەسىمىندە ماڭگى قالعان وربۇلاق شايقاسى تۋرالى تولىققاندى اقپاراتتى بەلگىلى جازۋشى، «الاش» حالىقارالىق پرەميانىڭ لاۋرەاتى، «قۇرمەت» جانە «پاراسات» وردەندەرىنىڭ  يەسى بەكسۇلتان نۇرجەكەەۆ تانىستىردى. قاتىسۋشىلار وربۇلاق شايقاسى بولعان ورىنداردى،  جەتىسۋ ءوڭىرىنىڭ  ەتنوتۋريزمىمەن جانە تاماشا تابيعاتىمەن تانىستى. الماتى وبلىسىنىڭ ىشكى ساياسات باسقارماسىنىڭ قولداۋىمەن 2017 جىلدىڭ 22 شىلدەسىندە «قازاق ەلىنىڭ تاۋەلسىزدىگى مەن ەركىندىگى ءۇشىن، جوڭعار باسقىنشىلارىمەن شايقاستا جەڭىسكە جەتكەن ايبىندى قازاق ساربازدارىنا ۇرپاقتارى اتىنا» اتتى جازباسى بار ارنايى تاسبەلگى بەلجايلاۋدا ورناتىلدى. ەسكەرە كەتەتىن ءبىر جايت، تاسبەلگىگە ورناتىلعان  QR-كود پايدالانۋ ارقىلى  «وربۇلاق» شايقاسى تۋرالى جايلى ەگجەي-تەگجەيلى اقپارات الۋعا بولادى.

«ءبىز 374 جىل بۇرىن وربۇلاق  شايقاسى بولعان جەردە تۇرمىز. قازاق باتىرلارى 50 مىڭ اسكەرى بار جوڭعارلاردى بىرنەشە كۇن بويى ءجالانتوس باتىردان كومەك كەلگەنشە شەكاراعا كىرگىزبەي ۇستاعان. ارنايى جەر استى تاكتيكالارىن قولدانا وتىرىپ، جوڭعار اسكەرلەرىن تۇزاققا ءتۇسىرىپ 10 مىڭ اسكەرىن جويعان. وسىنداي  اقىل-ايلامەن وتكەن شايقاس ۇلكەن ونەر بولىپ تابىلادى. سەبەبى، نەبارى 600 ادام 50 مىڭ اسكەرگە توتەپ بەرۋ مۇمكىن ەمەس جاعداي ەدى»، - دەدى ب.نۋرجەكەەۆ

«قازاق باتىرلارى ءوزىنىڭ ەرلىگىمەن ەلىن، جەرىن قورعاي الاتىن الىپ تۇلعالار ەكەنىڭ دالەلدەپ كەتتى. بىزدە وسى جايلى تالاي مىسالدار بار. سونىڭ ىشىندە «وربۇلاق شايقاسى» كەلەشەك ۇرپاققا ماقتان ەتە الاتىن شايقاس. «مىڭ رەت ەستىگەنشە، ءبىر رەت كور» دەمەكشى ارنايى شايقاس وتكەن جەرگە بارىپ ءوز كوزىمىزبەن كورىپ قايتتىق. ءوز تاريحىن ءبىلۋ - ءاربىر ازاماتتىڭ مىندەتى»، - دەدى الماتى وبلىسىنىڭ ىشكى ساياسات باسقارماسىنىڭ باسشىسى رۋستام الپىسباەۆ.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616