جۇما, 29 ناۋرىز 2024
اتتەڭ... 12038 6 پىكىر 13 شىلدە, 2017 ساعات 09:37

دۇكەن ءماسىمحان "ۆو ءتيىڭ رىنجيا شۋو" دەپ تاعى قاتەلەستى

الەۋمەتتىك جەلىدە تاراپ جۇرگەن ءازىل سۋرەت ماعان قاتتى اسەر ەتتى. بۇعان دەيىن دۇكەن ءماسىمxانۇلىن كورگەن دە، بىلگەن دە ەمەسپىن. جەر بەتىندە مۇنداي ادام بالاسى بار ەكەنىنەن xابارسىز ەدىم. وشتىگىم دە، دوستىعىم دا جوق.

سول اعامىز ۆاشينگتونداعى "ازات ازيا" راديوسىنا سۇxبات بەرىپتى. ارينە، تۇتاس قىتاي قازاعىنا، قازاقستان ەلىنە  كۇيە جاققان ەۋرازيا ءبىرىنشى ارناسىنداعى اتىشۋلى سۇxباتىنان كەيىن.

قىتايدا ءبىر مالشى اتالارىمىز بولۋشى ەدى، ءومىرى تاۋدان تۇسپەيتىن. اتاقتى قىتايتانۋشىمىزدىڭ قىتايشاسى الگى اتالارىمىزدى ەرىكسىز ەسكە سالدى. اتالارىمىزدان ساداعا كەتسىن، "بۇل دەرەكتەردى قايدان الدىڭىز" دەگەن امەريكا تىلشىسىنە "مەن مۇنى ەل اۋىزىنان ەستىدىم" دەپ جاۋاپ بەردى.

RFA.ORG سايتىندا بۇل xاقىندا ەكى ماقالا جازىلدى. قىتايدىڭ قاي قازاعى ۇيعىرلاردىڭ لاڭكەستىك توبىنا قوسىلىپتى؟! قىتايدىڭ قاي قازاعى ول جالالاعانداي قازاقستان ارقىلى سيرياعا كەتىپتى؟! دۇكەن ءماسىمحان جاۋاپ بەرسىن!

ەگەر مۇنداي دەرەكتەر قولىنا تۇسسە قحر بيلىگى بوركىن اسپانعا اتار ەدى عوي؟! ايداي الەمگە پاش ەتەر ەدى عوي؟! ونسىز دا سىنىقتان سىلتاۋ ىزدەپ تاۋىپ، بودانىنداعى از قازاقتى اتىپ، سوتتاپ، اباقتىلاپ جاتقان قىتاي بيلىگى بۇنداي فاكتىلەر بولسا جاسىرىپ قالماس ەدى.

بۇل دۇكەن اعامىز تۇتاس قىتاي بيلىگى ايتپاعان دەرەكتى قايدان الىپ وتىر؟! لاڭكەستىككە  "ترانزيتتىك ەل" دەپ تۇتاس قازاقستانعا كۇيە جاقتى. سيرياعا كەتكەن اداسقان قازاقتار ىشىندە ءبىر قىتاي قازاعى بولسا، قر قۇزىرلى ورگاندارى ونى ەشقاشان جاسىرماس تا ەدى....

ءجا، "ۆو ءتيىڭ رىنجيا شۋو" (مەن جۇرت اۋزىنان ەستىدىم) دەگەن مىقتىم، xالىقارالىق تەلەارنالار مەن راديولارعا سۇxبات بەرەردە ەڭ قاراپايىم باستاۋىشتىق ساۋات "اياقتان سۇرىنگەن تۇرادى، اۋىزدان سۇرىنگەن تۇرمايدى" دەگەندى ءبىلىپ العانى ءجون بولار ەدى. ول ءسۇرىندى، ءولدى. قازاعىنا كۇيە جاعىپ، قازاقستاننىڭ الەم الدىنداعى بەدەلىن تۇسىرگەنى ءۇشىن دۇكەن اعامىزعا قىتاي قوجاسى نە بەردى ەكەن؟

ال، قازاقتان العانى قارعىس بولار...

دۇكەن ءماسىمحان وزىنە بەرىلگەن مۇمكىندىكتى پايدالانىپ، امەريكا تىلشىسىنە "ۆو ءتيىڭ رىنجيا شۋو" (مەن جۇرت اۋزىنان ەستىدىم) دەمەي اق، كۇللى قازاقتان كەشىرىم سۇراي سالسا، بۇگىن اعامىزدى توبەگە كوتەرمەس پە ەدىك؟

اتالمىش راديو سۇxبات مىنا سىلتەمەدە:

http://www.rfa.org/mandarin/yataibaodao/shaoshuminzu/ql1-06232017113312.html?searchterm:utf8:ustring=新疆作协

ۇيعىر تىلىندەگى "ازات ازيا" ماقالاسى:

http://www.rfa.org/uyghur/xewerler/qazaqistan-xitay-06262017162119.html

ازامات مارات

Abai.kz

 

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564