كەشە استانا قالاسىندا ەكسپو حالىقارالىق كورمەسىنىڭ اياسىندا الماتى وبلىسىنىڭ مادەنيەت كۇندەرى باستالدى. مادەنيەت كۇندەرى «قازاقستان» ورتالىق كونتسەرت زالىندا ءسۇيىنباي اتىنداعى الماتى وبلىستىق فيلارمونياسىنىڭ جəنە «الاتاۋ əۋەندەرى» ونەر ۇجىمىنىڭ «جەتىسۋ – جۇماق مەكەنىم» اتتى كونتسەرتىمەن سالتاناتتى تۇردە اشىلدى، - دەپ حابارلايدى الماتى وبلىسى əكىمىنىڭ ءباسپاسوز قىزمەتى.

شاراعا الماتى وبلىسىنىڭ əكىمى اماندىق باتالوۆ، استانا قالاسىنىڭ əكىمى Əسەت يسەكەشەۆ، مəدەنيەت جəنە سپورت ءمينيسترى ارىستانبەك مۇحامەديۇلى ارنايى قاتىسىپ، ەڭ الدىمەن زال فويەسىندەگى وبلىس سۋرەتشىلەرى مەن قولونەرشىلەرىنىڭ كورمەسىمەن تانىستى.

كونتسەرتتە م.تولەباەۆ اتىنداعى حالىق اسپاپتار وركەسترى، «التىناي» مەملەكەتتىك حالىقتىق بي ءانسامبلى، «سازگەن»، «ادىرنا»، «قۇلانساز» فولكلورلىق-ەتنوگرافيالىق انسامبلدەرى، «تالدىقورعان əۋەندەرى» ءانسامبلى، قازاقستان رەسپۋبليكاسىنىڭ ەڭبەك سىڭىرگەن əرتىستەرى قانات پەن ايتگۇل قۇدايبەرگەنوۆتار، ۇلجان ايناقۇلوۆا جəنە باسقا دا əنشىلەر ونەر كورسەتتى. مازمۇندى شارادا جەتىسۋدىڭ باي ونەرى مەن مəدەنيەتى، كوپەتنوستى حالقىنىڭ بىرلىگى پاش ەتىلىپ، «ەكسپو»  كورمەسىنە ارنايى جازىلعان «EXPO مەرەكە» ءəنى مەن «EXPO» ءبيى دە كورەرمەندەر نازارىنا ۇسىنىلدى.

جالپى الماتى وبلىسىنىڭ استاناداعى مادەنيەت كۇندەرىنە جەتىسۋ وڭىرىنەن 400-گە جۋىق ارتىستەر، سۋرەتشىلەر، سپورتشىلار، قولونەر شەبەرلەرى جانە باسقا دا ونەر يەلەرى كەلگەن.

مادەنيەت كۇندەرى 11-15 شىلدە ارالىعىندا وتەدى. جەتىسۋ ايماعى استانالىقتاردى ءتۇرلى تەاترلىق قويىلىمدارىمەن، كونتسەرتتەرىمەن، قولونەر جانە سۋرەتشىلەر كورمەلەرىمەن، سپورتتىق جارىستارىمەن قۋانتاتىن بولادى.

Abai.kz