سارسەنبى, 29 ماۋسىم 2022
6060 10 پىكىر 5 شىلدە, 2017 ساعات 09:09

ءبىز باقا-شايان داۋىرىنە تابان تىرەپ تۇرعان جوقپىز با؟

ولار الەمدى بيلەپ تۇر. ولاردىڭ تۇكىرسە تۇكىرىگى جەرگە تۇسپەيدى. ولار - بي، ولار - قوجا! ولار - ەۋروپانى، ەۋروپانى بىلاي قويىپ، عالامدى اشسا -الاقانىندا، جۇمسا - جۇدىرىعىندا ۇستاپ تۇر. بىراق، نە پايدا؟ ادامدىق مىندەتتەن، ادامدىق پارىزدان باس تارتقان، قۇداي تاعالا تار قۇرساعىن كەڭىتىپ، اكەلىك مەيىرىن سۋالتىپ تاستاعان ولاردى، يا ولاردى شىن مانىندە مۇسىركەۋگە حاقىمىز بار. ءبىز مۇسىركەرمىز-اۋ، بىراق ءومىرى "كۇلى شاشىلماعان" ولار الەمگە قاۋىپ ءتوندىرىپ تۇرعانىن ءاردايىم ەسكە الا بەرمەيتىنىمىز وكىنىشتى.

فرانتسيانىڭ حالىق سايلاعان پرەزيدەنتى ماكروننىڭ بالاسى جوق.

گەرمانيانىڭ اناسىنا بالانعان كانتسلەر انگەلا مەركەلدىڭ بۇ ومىردە تاس ەمشەگى جىبىمەگەن.

بريتانيانىڭ پرەمەرى تەرەزا مەي ءبىر رەت تە بولسىن شىر ەتكەن ءسابيدىڭ ءۇنىن ەستىمەگەن.

يتاليانىڭ پرەمەرى پاولو دجەنتيلوني دە ۇرپاق ءسۇيۋدىڭ باقىتىن سەزىنىپ كورمەگەن.

گوللانديانى ۋىسىندا ۇستاپ تۇرعان مارك ريۋتتە، شۆەتسيانىڭ ءامىرى ستەفان لەۆەن، ليۋكسەمبۋرگتى تىزگىندەگەن كساۆە بەتتەل، شوتلانديانىڭ باسشىسى نيكولا ستەردجەن ءھام ەۋروپالىق كوميسسيانىڭ پرەزيدەنتى جان-كلود يۋنكەردىڭ ەشقايسىسىندا بالا جوق. 

قارعىستىڭ ۇلكەنى مەن كىشىسى بولمايدى. بىرەۋ ادەيىلەپ لاعنەت جاۋدىرماسا دا، قوعامنىڭ ازعىندىعى بۇكىل ەۋروپاعا قارعىس بولىپ ءتيىپ جاتقانداي اسەر ەتەدى. بۇل ەل الدىنداعى ازاماتتاردىڭ بىزگە بەلگىلى تاعدىرى. "بالىق باسىنان ءشىريدى" دەگەن ءسوز راس بولسا، ولاردىڭ "قۇيرىعىن" ەلەستەتۋدىڭ ءوزى قيىن.

ارينە، ەۋروپانىڭ اتقامىنەرلەرى ۇرپاقسىز، مۇراگەرسىز قالدى دەپ قينالىپ وتىرعان جوقپىز. ەۋروپانى شارپىعان وتتىڭ جالىنى ايدالادا جاتقان بىزگە دە تيەرى ءسوزسىز. قازاق ءۇشىن قارعىستىڭ ۇلكەنى - ۇرپاقسىز قالۋ. ءومىردىڭ ءمانى دە ارتىڭدا قالار بالالارىڭنىڭ سانىمەن، ساپاسىمەن ولشەنەدى. قازاقتى بىلاي قويىپ، بۇكىل ەل ۇرپاق قامى ءۇشىن اتقا قونباپ پا ەدى؟

"ۇرپاق قامى" دەگەن ۇلى ۇعىم ساناسىنا ۇيالاماعان ازاماتتار الەمدى بيلەپ تۇرعاندا وزگەلەردىڭ ۇيقىسى تىنىش بولماسى جانە راس.

وسى ورايدا مىنا ءبىر اڭىزدى سانامىزدا جاڭعىرتا كەتسەك. ابىلاي حان قالماقتىڭ ءبىر قارعىسشىل ادامىنان قارعىستىڭ جامانى قانداي دەپ سۇراعاندا، قارعىسشىل، ءبىرىنشى:

«ءشوبىڭ جاپىرىلماسىن!» – دەپتى.

«جەرىڭدى مالىڭ تاپتاماي، كەدەي بول دەگەنىڭ عوي، بۇل قارعىس ەمەس. حالقىم باي بولسا، ءبىر مەنىڭ كەدەيلىگىم كەمشىلىك ەمەس»، – دەپتى ابىلاي.

ەكىنشى، «كۇلىڭ شاشىلماسىن»، – دەپتى.

«بۇل دا قارعىس ەمەس، بالاڭ بولماسىن» دەگەنىڭ عوي. ءوزىم جاقسى بولسام، حالىقتىڭ ءبارى مەنىڭ بالام»، – دەپتى.

ءۇشىنشى: «ءوزىڭ بىلمە، بىلگەننىڭ ءتىلىن الما»، – دەپتى. «مىنە، جامان قارعىس وسى!» – دەگەن ەكەن.

وسى اڭىزدا ايتىلعانداي قازىر «ءشوبىڭ جاپىرىلماسىن!» دەيتىن زامان ەمەس. ەۋروپا "قورا-قورا مالىن" بانككە "قورالاپ" تاستاعانىن بۇكىل الەم بىلەدى. ەڭ قيىنى  "كۇلىڭ شاشىلماسىننىڭ" كۇنى تۋدى. جوعارىدا ايتىلعان ءھام ايتىلماي قالعان قانشاما ەل باسىنداعى ادامداردىڭ "كۇلى شاشىلماي" جاتىر؟ ولاردىڭ قايسىسى حان ابىلايداي: ء"وزىم جاقسى بولسام، حالىقتىڭ ءبارى مەنىڭ بالام" دەي الادى؟ ەشقايسىسى دا...

"كۇلى شاشىلماعان" ادام «ءوزىڭ بىلمە، بىلگەننىڭ ءتىلىن المانىڭ» ءمانىن دە تۇسىنبەسى انىق.

بۇل الەم ۇرپاق ساباقتاستىعىنان، كىندىكتەن تاراعان بالاعا ءۇمىت ارتۋدان ادا قالعاندىعىنىڭ بەلگىسى.

الەمدى تىزگىندەگەن تۇلعالار ۇرپاقسىز ەل بيلەپ تۇرعان تۇستا قارا قۇرتتاي قىتايدىڭ قاپتاپ جاتقانى ەسىمە تۇسسە، ابىلايدىڭ ءتۇسى تاعى مازا بەرمەيدى.

ءبىز باقا-شايان داۋىرىنە تابان تىرەپ تۇرعان جوقپىز با؟

ءشارىپحان قايسار

Abai.kz 

 

10 پىكىر