استانا كۇنى قارساڭىندا ەكسپو-2017 كورمەسى ۇيىمداستىرۋشىلارى مەرەكەلىك اكتسيا ۇيىمداستىرماق.

«استانا ەكسپو2017»ۇك» اق 1-10 شىلدە ارالىعىندا حالىقارالىق كورمە الاڭىنا كىرۋ بيلەتىنىڭ جاڭا ءتۇرىن ەنگىزبەك.

ەلوردا تۇرعىندارى مەن قوناقتارى ءۇشىن ۇيىمداستىرىلىپ وتىرعان اكتسيا شارتى بويىنشا، دەمالىس كۇندەرى 3 بيلەت العان ادامعا ءتورتىنشى بيلەت سىيعا بەرىلەدى ەكەن.

دەمالىس كۇندەرى 17 جاسقا دەيىنگى بالالار ەكسپو كورمەسىن تەگىن تاماشالاي الادى. 12 جاسقا تولماعان بالالار اتا-انالارىمەن بىرگە كىرۋى ءتيىس (سونداي-اق، بالانىڭ جاس مولشەرىن ناقتىلاۋ ءۇشىن، قۇجاتى بىرگە بولۋى شارت).

سونىمەن قاتار، «استانا ەكسپو-2017» كومپانياسى كورمەنى تاماشالاۋشىلار ءۇشىن بيلەتتىڭ جاڭا ءتۇرىن ەنگىزبەك. ول «كەشكى» تاريف بويىنشا قولدانىلادى. «كەشكى» بيلەتتىڭ جارامدىلىق ۋاقىتى – 18:30-دان باستالادى دەپ كورسەتىلگەن. دەمالىس كۇندەرى – 2 مىڭ تەڭگە. جۇمىس كۇندەرى – 3 مىڭ تەڭگە. ارنايى جەڭىلدىگى بار ازاماتتار ءۇشىن بيلەت قۇنى ەكى ەسەگە تومەندەتىلەدى (دەم: 1 مىڭ تەڭگە، جۇمىس كۇنى 1,5 مىڭ تەڭگە).

سونداي-اق، ەكسپو-2017 كورمەسىنىڭ ابانەمەنتتەرى دە ساتىلىمعا شىقتى. بۇكىل كورمەنىڭ اياقتالۋىنا دەيىن جارامدى ابانەمەنتتىڭ ورتاشا باعاسى 50 مىڭ تەڭگەنى قۇراسا، جەڭىلدىگى بار ازاماتتار ءۇشىن 25 مىڭ تەڭگە بولماق.

بيلەتتەر ەكسپو-2017 كورمەسى كاسسالارىندا ساتىلىمعا شىعارىلىپ وتىر.

3 ايلىق ابانەمەنت يەلەرى ءۇشىن ەسكەرتۋ! ابانەمەنت جەكە ادامعا تىركەلەتىندىكتەن، جەكە قۇجاتتارىمەن كەلۋلەرى كەرەك.

اكتسيا تۋرالى تولىق اقپارات: https://tickets.expo2017astana.com/pages/lgotyi-i-skidki

Abai.kz