بەيسەنبى, 28 ناۋرىز 2024
قازاقتىڭ ءتىلى 4565 0 پىكىر 19 ماۋسىم, 2017 ساعات 12:31

«مەملەكەتتىك ءتىل جانە باق»: بايقاۋ مارەسىنە جەتىپ، جەڭىمپازدار انىقتالدى

 ەلوردامىزدا ءوتىپ جاتقان ەكسپو-2017 حالىقارالىق كورمەسىنىڭ اۋدانىندا بوي كوتەرگەن «ەتنواۋىل» ۇلتتىق-مادەني كەشەنىندە  16 ماۋسىمدا «مەملەكەتتىك ءتىل جانە باق» اتتى رەسپۋبليكالىق كونكۋرستىڭ جەڭىمپازدارىن سالتاناتتى تۇردە ماراپاتتاۋ ءراسىمى بولدى. ەستەرىڭىزگە سالا كەتەيىك، بۇل كونكۋرستى قازاقستان رەسپۋبليكاسى مادەنيەت جانە سپورت مينيسترلىگىنىڭ                 تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك ءتىل ساياساتىن بۇقارالىق اقپارات قۇرالدارىندا ناسيحاتتالۋ بەلسەندىلىگىن ارتتىرۋ ماقساتىندا الاد كەلە جاتقان جۋرناليستەر كۇنىنە وراي ۇيىمداستىرعان ەدى.

ءىس-شارا  قازاقستان رەسپۋبليكاسى مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان سەرىكقازىۇلىنىڭ قۇتتىقتاۋ سوزىمەن اشىلدى.

جۋرناليستەر كۇنىنە وراي ۇيىمداستىرىلعان ءىس-شارا «مەملەكەتتىك ءتىل جانە باق» كونكۋرسىنىڭ جەڭىمپازدارىن ماراپاتتاۋمەن جالعاستى.

رەسپۋبليكالىق كونكۋرسقا ەلىمىزدىڭ وڭىرلەرىنەن 100-دەن اسا ماتەريال كەلىپ ءتۇستى. كونكۋرسقا مەملەكەتتىك ءتىلدىڭ قىزمەت ەتۋ اياسىن كەڭەيتۋ، مارتەبەسىن نىعايتۋ جانە ونىڭ قازىرگى احۋالى تۋرالى وزەكتى ماتەريالدار جاريالاعان جۋرناليستەر قاتىستى.

كونكۋرستا 2016 جىلعى 10 ماۋسىم مەن 2017 جىلعى 5 ماۋسىم ارالىعىندا قازاق جانە ورىس تىلدەرىندە جارىق كورگەن جاريالانىمدار، ەفيردەن وتكەن حابارلار قامتىلدى.

كونكۋرستىڭ ەرەجەسىنە سايكەس كەلىپ تۇسكەن ماتەريالدار «ۇزدىك ماقالا»، «ۇزدىك تەلەباعدارلاما»، «ۇزدىك راديوباعدارلاما»، «ۇزدىك سايت ماقالاسى» نوميناتسيالارى بويىنشا 4 باعىتتا باعالاندى.

كونكۋرسقا كەلىپ تۇسكەن ماتەريالداردى ەلىمىزگە بەلگىلى قالامگەر، جۋرناليستەردەن قۇرىلعان ارنايى قازىلار القاسى ساراپتاپ، جەڭىمپازداردى انىقتادى.

كونكۋرس قورىتىندىسى بويىنشا باس جۇلدەنى الماتى وبلىستىق «جەتىسۋ» تەلەارناسىنىڭ رەداكتورى ابىتاەۆا مەرۋەرت مۇراتبەكقىزى يەلەندى. «ۇزدىك ماقالا» نوميناتسياسى بويىنشا 1-ورىندى «استانا اقشامى» گازەتىنىڭ ءتىلشىسى راحمانوۆا گۇلجان ورالبايقىزى، 2-ورىندى «ەگەمەن قازاقستان» رەسپۋبليكالىق گازەتىنىڭ شولۋشىسى ومارحانوۆ عالىم ورىنباسارۇلى،
3-ورىندى پاۆلودار وبلىستىق «سارىارقا سامالى» گازەتىنىڭ ءتىلشىسى نۇرجاينا شودىر جەڭىپ السا، «ۇزدىك سايت ماقالاسى» نوميناتسياسى بويىنشا
1-ورىندى «ايقىن» رەسپۋبليكالىق قوعامدىق-ساياسي گازەتى اقپارات جانە سپورت ءبولىمىنىڭ رەداكتورى  بايداۋلەت  قانشايىم ماۋلەنقىزى، 2-ورىندى «قوعامدىق كەلىسىم» رمم ءباسپاسوز قىزمەتىنىڭ جەتەكشى ساراپشىسى الپەيىسوۆا كامال ابىلقاسىمقىزى، 3-ورىندى «ۇركەر.كز» سايتىنىڭ ءتىلشىسى نۇرلان قۇمار باقداۋلەتۇلى يەلەندى.

سونداي-اق «ۇزدىك تەلەباعدارلاما» نوميناتسياسى بويىنشا
1-ورىندى «قازاقستان-شىمكەنت» تەلەارنا ءجۋرناليسى بايتاسوۆ تورەبەك تورەكەلدىۇلى، 2-ورىندى «قازاقستان-اتىراۋ» تەلەارنا ءجۋرناليسى سيسەناليەۆا

شولپان اباتوۆنا، 3-ورىندى «حابار» اگەنتتىگى كەشكى جاڭالىقتار قىزمەتىنىڭ ءتىلشىسى جىلقايداروۆا ينديرا ورىنبايقىزى جەڭىپ السا، «ۇزدىك راديوباعدارلاما» نوميناتسياسى بويىنشا «حالىق» راديوسى ءتىلشىسى سىبانجانوۆا راۋشان سەيىتحانقىزى، 2-ورىندى «قازاق» راديوسى ءتىلشىسى جانۇزاقوۆ جانات ءجۇسىپۇلى، 3-ورىندى «حالىق» راديوسى ءتىلشىسى قوبجانوۆا گۇلسىم ساعاتقىزى يەلەندى.

بارلىق جەڭىمپازدارعا ديپلومدارمەن قاتار اقشالاي سىيلىقتار بەرىلدى. ماراپاتتاۋ سوڭى "ەتنواۋىل" كەشەنىندەگى كونتسەرتپەن جالعاستى،

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499