جۇما, 10 ءساۋىر 2020
COVID-19 قازاقستاندا. جۇقتىرعاندار — 802. جازىلعاندار — 63. قايتىس بولعاندار — 9
انىق 4096 21 پىكىر 19 ماۋسىم, 2017 ساعات 11:47

قازاقتىڭ جەرى مەن ادامى رەسەيدىڭ مۇلكى مە؟

رەسەي ۇكىمەتى جەزقازعانعا قۇلاعان زىمىراننىڭ زارداپتارى ءۇشىن وتەماقى تولەمەيتىن بولىپتى. استانا ارناسى تاراتقان اقپارعا سەنسەك، بايقوڭىردان ۇشىرىلعان زىمىراننىڭ زارارى ءۇشىن روسكوسموس قازاقستان ۇكىمەتىنە سوقىر تيىن دا تولەمەيدى ەكەن.

وتكەندە بايقوڭىردان تاعى ءبىر رەسەيلىك زىماران ۇشىرىلعان. سول زىمىراننىڭ جارتى بولىگى جەزقازعان ماڭىنداعى تالاپ اۋىلىنىڭ توبەسىنەن تۇسكەن. سونىڭ سالدارىنان ءورت شىعىپ، قازاقستان ازاماتتارى اجال قۇشقان ەدى.

سويتسەك، الدىن الا كەلىسىم بويىنشا، رەسەيلىك زىمىراننىڭ قۇيرىعى ءدال وسى ماڭعا قۇلاۋى ءتيىس ەكەن-مىس.

"قازاقستان تارابىنا ەشقانداي وتەماقى تولەنبەيدى. ويتكەنى، زىمىران تاسىعىشتىڭ جارتى بولىگى قۇلايتىن ايماق الدىن الا كەلىسىلگەن. ياعني، كارتادا انىق كورسەتىلگەندەي، ۇلىتاۋ اۋدانى 24 يۋ دەپ بەلگىلەنگەن. وسى ايماققا "پروتوننىڭ" دا، "سويۋزدىڭ" دا ءبىرىنشى بولىگى قۇلاۋى ءتيىس. سوندىقتان، ەشقانداي وتەماقى تۋرالى ءسوز بولمايدى", - دەيدى تالعات ءجۇسىپ. بۇل كىسى عارىش سالاسى قىزمەتكەرلەرىنىڭ كاسىپوداق جەتەكشىسى ەكەن.

بىزگە ءمالىم دەرەك.

1. رەسەيدىڭ كەزەكتى زىمىرانى قۇلادى. قايدا؟ قازاقستان توپىراعىنا.

2. قاراعاندى وبلىسىندا قۇلاعان زىمىراننىڭ "زاپچاستى" جانعاندا زارداپ شەككەن ۆياچەسلاۆ تىتس. ول قازاقستان رەسپۋبليكاسىنىڭ ازاماتى. دەنەسىنىڭ 50 پايىزىن كۇيىك شالعان. وسىمەن التىنشى تاۋلىك ءومىر ءۇشىن كۇرەسىپ جاتىر. قازىرگى جاعدايى - شالاجانسار جاتىر.

3. 1964 جىلعى تاعى ءبىر قازاقستان ازاماتى سول جەردە قازا بولدى.

4. رەسەيلىك زىمىران ءساتتى ۇشقانىمەن، ونىڭ قۇيرىعى ۇلىتاۋ اۋدانى، تالاپ ەلدى-مەكەنىنەن 20-اق، شاقىرىم جەرگە قۇلادى. 10 گەكتار جەر ورتەندى.

ءتۇيىن: تالعات ءجۇسىپتىڭ دەگەنىنە سەنسەك، وسىنشا زارداپ اكەلگەن رەسەيلىك زىمىران تاسىعىشتىڭ قۇيرىعى كەلىسۋلى جەرگە ءتۇسىپتى. دالىرەك ايتساق، رەسەي جالداپ وتىرعان جەرگە قۇلاعان-مىس.

1. سوندا ۇلىتاۋ اۋدانى مەن تالاپ ەلدى-مەكەنىن رەسەي جالعا الىپ وتىر ما؟

2. رەسەيدىڭ روسكوسموسى قازاقستان ازاماتتارىن قىرۋ ءۇشىن ارنايى ليتسەنزيا العان با؟

3. قازاقستان مەن رەسەي ۇكىمەتى ءوزارا كەلىسىمدى قاراستىرعاندا، زىمىران قالدىقتارىن تاستاۋ ءۇشىن نەگە ەلسىز جەردى بەلگىلەمەگەن؟  وسىعان دەيىن سان رەت قۇلاعان رەسەي زىمىراندارىنىڭ قالدىقتارى قازاقستان اۋىلدارىنىڭ تاستوبەسىنەن ءتۇسىپ جاتقانىن جازىپ-اق، كەلەمىز. ەستىر قۇلاق قايسى؟!

4. توتەنشە جاعداي قىزمەتكەرلەرى جەرگىلىكتى جۇرتتى نەگە ەسكەرتپەگەن نەمەسە ەۆاكۋاتسيا جاساماعان؟

5. قازاقستان ازاماتىنىڭ قازاسىنا كىم جاۋاپ بەرەدى؟ قازا تاپقان ازامات رەسەيدىڭ ساتىپ العان مۇلكى مە؟ ۇلىتاۋ اۋدانى مەن تالاپ ەلدى-مەكەنى رەسەيدىڭ يەلىگىندەگە جەر مە؟ جارالانعان ازاماتتىق تاعدىرىنا كىم جاۋاپتى. تالعات ءجۇسىپتىڭ ايتۋىنشا، رەسەيدىڭ تۇك كىناسى جوق ەكەن. دەمەك، توتەنشە جاعدايلاردى ەسكەرمەستەن، قر ازاماتتارى تۇرىپ جاتقان ەلدى-مەكەندى زىمىران قوقىسىن تاستايتىن كۇرەسىنگە بەرگەن قازاقستان شەنەۋنىكتەرىن جاۋاپقا تارتۋ كەرەك؟!

نۇرگەلدى ابدىعانيۇلى

Abai.kz

21 پىكىر