جۇما, 29 ناۋرىز 2024
دەپ جاتىر 6287 0 پىكىر 19 ماۋسىم, 2017 ساعات 01:30

اۆتوكرەسلو داۋى قايتا باستالدى

الماتىدا جول-پاترۋلدىك پوليتسەيلەرى اۆتوكولىك سالونىندا بالالاردى تاسىمالداۋ كەزىندەگى ەرەجە بۇزۋشىلىقتى انىقتاۋعا باعىتتالعان شارالار جۇرگىزدى، - دەپ حابارلايدى اباي-اقپارات.

وسى شارا اياسىندا بالالاردى اۆتوكرەسلوسىز تاسىمالداعان 100 جۇرگىزۋشىگە ايىپپۇل سالىندى.

قازاقستان رەسپۋبليكاسىنىڭ «جول قوزعالىسى تۋرالى» زاڭ تالاپتارىنا سايكەس، كولىك قۇرالىنىڭ جۇرگىزۋشىسىنە 12 جاسقا دەيىنگى بالالاردى ارنايى ۇستاۋ قۇرىلعىسى نەمەسە بالانى قاۋىپسىزدىك بەلدىگىنىڭ كومەگىمەن وتىرعىزىپ قويۋعا مۇمكىندىك بەرەتىن، كولىكتە كوزدەلگەن وزگە دە قۇرالدار بولماعان كەزدە، ال مەحانيكالىق كولىك قۇرالىنىڭ الدىڭعى ورىندىعىندا بالالاردى ارناۋلى ۇستاۋ قۇرىلعىسى بولماعان كەزدە تاسىمالداۋعا تىيىم سالىنادى.

وسىعان وراي، قر «جول قوزعالىسى تۋرالى» زاڭىنىڭ 54-بابىنىڭ 37-تارماعىنا سايكەس جول-پاترۋلدىك پوليتسياسىنىڭ ساپتىق بولىمشەلەرىمەن جقە بۇزۋشىلىقتاردى انىقتاۋ، سونىڭ ىشىندە بالالاردىڭ ارنايى ۇستاۋ قۇرىلعىسى بويىنشا (كرەسلولار، بۋستەرلەر جانە ت.ب.) جۇمىستار كۇشەيتىلدى.

سونداي-اق، ماقساتقا باعىتتالعان شارا اياسىندا 7 مىڭ 162 جقە-ءسىن ورەسكەل بۇزۋشىلىقتار انىقتالدى، ونىڭ ىشىندە:
- كولىك قۇرالىن مەملەكەتتىك ءنومىرسىز باسقارعانى ءۇشىن – 35;
- قارسى قوزعالىس جولاعىنا شىعىپ كەتكەنى ءۇشىن – 31;
- ماس كۇيىندە كولىك قۇرالىن باسقارعانى ءۇشىن – 23;
- اپاتتى جاعداي جاساعانى ءۇشىن – 138;
- كولىك جۇرگىزۋ كەزىندە ۇيالى تەلەفون پايدالانعانى ءۇشىن – 681;
- قاۋىپسىزدىك بەلبەۋىن تاقپاعانى ءۇشىن – 689;
- جاياۋ جۇرگىنشىلەر قوزعالىسىنا باسىمدىق بەرمەۋ – 86;
- جول قيىلىستارىنان ءوتۋ ەرەجەسىن بۇزۋ – 117;
- باسىپ وزۋ، مانەۆر جاساۋ – 969;
- باعدارشامنىڭ تىيىم سالىنعان بەلگىسىنە ءجۇرۋ – 90;
- تەرەزەنى قاراڭعىلاۋ – 121;
- جاياۋ جۇرگىنشىلەردىڭ جقە بۇزۋى – 601.

گۇلنار جامانقۇلوۆا

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584