جۇما, 29 ناۋرىز 2024
ارىلۋ 7075 8 پىكىر 12 ماۋسىم, 2017 ساعات 06:29

ۇكىمەت ءۇيى مەن استانا اكىمشىلىگى "موڭعول ناقىشىن" قازاقتىكى دەپ ويلاي ما؟

ۇكىمەت ءۇيى مەن استانا اكىمشىلىگىنىڭ عيماراتىنىڭ ەدەنىنە موڭعولدىڭ ۇلتتىق ناقىشىندا بەزەندىرىلگەن كىلەمدەر توسەلەتىن بولادى، - دەپ حابارلايدى اباي-اقپارات.

Asiarussia.ru باسىلىمىنىڭ جازۋىنا قاراعاندا قر ۇكىمەت ءۇيى مەن استانا اكىمشىلىگى موڭعوليانىڭ "ەردەنەت حيۆس" اتتى كىلەم توقيتىن فابريكاسىنا 2 600 شارشى مەتر كولەمدە كىلەم تاپسىرىس بەرگەن.

بىرىنشىدەن، باسقانى قويشى، ۇكىمەت ءۇيى مەن استانا اكىمشىلىگىنىڭ ءوزى وتاندىق وندىرۋشىلەردى قولداماي، ونىڭ ورنىنا موڭعولعا بۇيرەك بۇرۋى ۇلتتىق نامىستىڭ، مەملەكەتشىلدىك ءپاتريوتيزمنىڭ جوقتىعىن بىلدىرەدى.

ەكىنشىدەن، ۇكىمەت ءۇيى مەن استانا اكىمشىلىگىنىڭ: "الەمدە ەڭ ساپالى كىلەم بۇيىمدارى موڭعوليادا توقىلادى. مۇنداي بۇيىمداردى ەش جەردەن ىزدەپ تابا المايسىز", -  دەپ ايدى اسپانعا شىعارۋى تاعى دا نامىسسىزدىق.

ۇشىنشىدەن، ۇكىمەت ءۇيى مەن استانا اكىمشىلىگى "بۇل كىلەمدەر عيماراتتى كوشپەلى حالىقتاردىڭ، ياعني موڭعولداردىڭ ناقىشىمەن بەزەندىرەدى" دەپ تۇسىنىكتەمە بەرگەن.

سوندا موڭعولدىڭ ناقىشى قازاقتىڭ ناقىشى بولعانى ما؟ بۇگىنگى "موڭعول" دەگەنىمىز شىن مانىندە - حالحالاردىڭ، بۋرياتتاردىڭ، قالماقتاردىڭ سينتەزىنەن پايدا بولعان جۇرت. قالماق دەگەن ۇلت ءبىر كەزدەرى قازاقتىڭ اتا جاۋى بولدى. دەمەك، ءبىزدىڭ مەملەكەتتىك مەكەمە جوڭعاردىڭ ناقىشىن ەدەنىنە توسەمەكشى دەگەن ءسوز.

وسى ءىستى قولعا العاندار تىم قۇرىسا مەملەكەتتىك مەكەمەگە توسەلەتىن كىلەمدەردىڭ ديزاينىن وزدەرى دايىنداپ بەرۋگە بولماس پا ەدى؟ ءبىر كەم دۇنيە.

ءشارىپحان قايسار

Abai.kz

 

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544