جۇما, 29 ناۋرىز 2024
جاڭالىقتار 4254 0 پىكىر 2 ماۋسىم, 2017 ساعات 18:18

ونوماستيكا ماسەلەلەرى تالقىلاندى

بۇگىن شىمكەنت قالاسىندا «ونوماستيكا سالاسىنداعى جۇمىستاردى ۇيىمداستىرۋدىڭ وزەكتى ماسەلەلەرى» اتتى رەسپۋبليكالىق سەمينار ءوتتى، - دەپ حابارلايدى اباي-اقپارات.
قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى ۇيىمداستىرعان شارادا ونوماستيكا ماسەلەلەرى تالقىلاندى.
ەل تاۋەلسىزدىگىن العانان بەرى 2500-دەن اسا اتاۋ وزگەرتىلگەن. اتاپ ايتساق، 1107 ءبىلىم بەرۋ، مادەنيەت، سپورت، دەنساۋلىق ساقتاۋ ۇيىمدارى، 23 قالا مەن اۋدان اتاۋى، 1361 ەلدىمەكەن جانە 20- مىڭعا جۋىق كوشە اتاۋلارى قايتا راسىمدەلگەن. بۇل تۋرالى سەمينار بارىسىندا مودەراتور قر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى توراعاسىنىڭ ورىنباسارى ع. مەلدەشوۆ مالىمدەدى.

باسقوسۋدى وڭتۇستىك قازاقستان وبلىسى اكىمىنىڭ ورىنباسارى ە. سادىر وڭىردەگى ونوماستيكا سالاسىندا جۇرگىزىلىپ جاتقان جۇمىستارعا قىسقاشا توقتالىپ ءوتتى. جيىن بارىسىندا فيلولوگيا عىلىمدارىنىڭ دوكتورى، پروفەسسور م. مىرزاحمەتۇلى ونوماستيكانى داعدارىستان شىعارۋ جولدارىن قاراستىرىپ: «ونوماستيكا حالىقتىق، وتارشىلدىق، توتاليتارلىق بولىپ بولىنەدى. بۇگىن ءبىز وتارشىلدىق توپونيميكامەن كۇرەس جۇرگىزىپ جاتىرمىز. بىراق جەتەرىنە جەتە الماي كەلەمىز. پاۆلوداردى، پەتروپاۆلدى وزگەرتۋ كەرەك. ال وعان باس كوتەرۋگە بيلىكتە وتىرعانداردىڭ باسىم بولىگى سوۆەتتىك سانامەن قالىپ قويعاندار. سوندىقتان مۇنى داۋىسقا سالىپ، سوزباققا سالماي، وزگەرتىپ تاستاۋ كەرەك» - دەدى.

سونداي-اق، ساياساتتانۋشى دوس كوشىم ءتۇرلى ەتنوس وكىلدەرى مەكەندەيتىن اۋىل-ايماقتارداعى ونوماستيكا ماسەلەسىنە الاڭدايتىندىعىن جەتكىزدى.

- ەرتەڭ بىرنەشە ەتنوس وكىلى تۇراتىن اۋداندارعا سول ۇلتتىڭ ازاماتتارىنىڭ اتى بەرىلىپ، ەسكەرتكىشتەرى ورناتىلاتىن بولسا، وندا ءبىز ۋنيتارلى، قازاق ەلى بولا المايمىز. سوندىقتان مۇنى بايقاۋىمىز كەرەك,- دەيدى ول. سونىمەن قاتار ساياساتكەر اتاۋلاردى اۋىستىرۋدا ۇنەم جاساۋ قاجەتتىگىن قاپەرگە سالدى.

- ءبىر كوشە اۋىستىرىلاتىن بولسا وعان 1 ملن تەڭگە جۇمسالادى. ياعني 10 كوشەگە 10 ملن تەڭگە كەتەدى. ال بۇل سومامەن بىردەن 100 كوشەنى اۋىستىرۋعا بولادى. نەگە ءبىز ءار رەتتە ءبىرلى-ەكىلى كوشە اتىن اۋىستىرماي، ءا دەگەننەن بىرگە اۋىستىرىپ، ەل قازىناسىن ۇنەمدەمەسكە,- دەيدى ول.

شارا سوڭىندا ونوماست-ماماندار ءىس بارىسىندا كەزدەسەتىن كەدەرگىلەردى ورتاعا سالىپ، پىكىر الماسىپ، ورتاق شەشىمىن تاپتى. سەمينار جۇمىسىن ع. مەلدەشوۆ: «الداعى ۋاقىتتا سەمينار بارىسىندا كوتەرىلگەن ماسەلەلەردىڭ وڭ شەشىمى تابىلادى» - دەپ تۇيىندەدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554