جۇما, 29 ناۋرىز 2024
ارانداتۋ 5626 6 پىكىر 4 ماۋسىم, 2017 ساعات 22:52

"ريكا" ءتىلشىسى جاۋاپقا تارتىلسىن!

اقتوبە وبلىسى پروكۋرورىنىڭ

اقتوبە وبلىستىق ءىسب-نىڭ

نازارىنا

اقتوبەدەگى "ريكا" اقپارات كەڭىستىگى مەن بيزنەس جەلىلەرىن ۇستاپ وتىرعان مەديا توپتىڭ ءتىلشىسى ءلاززات ساقيەۆا تاراپىنان «ءوزىنىڭ قىزمەتتىك سۇحباتى اياسىندا» (قر قىلمىستىق كودەكسىنىڭ 141 بابىنىڭ 2 تارماعى), قازاق ازاماتى فارحاد دوسماعانبەتوۆتىڭ «تەگىنە، ناسىلىنە، ۇلتىنا قاراي كەمسىتۋشىلىك» (قر-سى كونستيتۋتسياسىنىڭ 14-باپ، 2-تارماق), جانە «ءبۇتىن ءبىر حالىقتىڭ ار-نامىسىنا تيەتىن» اۋىر سوزدەر ايتقانى جانە «ناسىلدىك، ۇلتتىق استامشىلىقتى» ۋاعىزدايتىن «ديسكريميناتسيا» ماسەلەسىن كوتەرگەنى ءۇشىن ءتىلشىنىڭ ۇستىنەن قۇقىقتىق شارا الىنۋى ءتيىس. بۇل جونىندە سوڭعى كۇندەرى باق قۇرالدارىندا، الەۋمەتتىك جەلىلەردە كوپ جازىلدى.

ۇلتتىق مۇددە، ۇلتتىق نامىستان بيىك تۇراتىن ەشقانداي مۇرات جوق. ساياسي تۇرعىدان العاندا ءتىلشى ل.ساقيەۆانىڭ ءىسى جۇگەنسىزدىك، ازاماتتىق نامىسىمىزدى قورلاۋ. سونداي-اق، ءلازاتتىڭ سوزىندە قازاقستان حالىقتارىنىڭ تاتۋلىعى مەن بىرلىگىنە، ىنتىماقتا ءومىر سۇرۋىنە سىنا قاعاتىن قارەكەت بارىنا نازار اۋدارۋ قاجەت دەپ ەسەپتەيمىن.

مۇنى اياقسىز قالدىرۋعا بولمايدى. كوپشىلىكتىڭ بۇل نارازىلىعى اقتوبە وبلىستىق باس پروكۋرورىنىڭ نازارىنا الىنۋى ءتيىس. وسى ماسەلەگە بايلانىستى

مالىمدەيمىن:

1. ريكا تەلەارناسى فاكت باعدارلاماسىنىڭ جۇرگىزۋشىسى، ءتىلشىسى ءلازات ساقيەۆانىڭ «استامشىلىق» ارەكەتىنە بايلانىستى - قوعام بەلسەندىلەرىنىڭ قاتىسۋىمەن «ارنايى كوميسسيا» قۇرىلسىن. كوميسسيا قۇرامىنا ساياسي پارتيالار مەن قوعامدىق ۇيىمدار، زاڭگەرلەر، وبلىستىق ىشكى ساياسات باسقارماسى جانە جەرگىلىكتى «ۇلتتار اسسامبلەياسىنداعى» دياسپورا وكىلدەرى دە تارتىلسىن.

2. قر ازاماتى رەتىندە ونى جاۋاپكەرشىلىككە تارتىپ، ونىڭ ءىس-ارەكەتىنە قر-سىنىڭ «اكىمشىلىك، قىلمىستىق كودەكسى» تۇرعىسىنان قۇقىقتىق باعا بەرىلەتىن بولسىن.

3. كوميسسيا قورىتىندىسىنىڭ كوشىرمەسى جەرگىلىكتى قوعامدىق ۇيىمدار مەن اقتوبە وبلىستىق اكىمى مەن پروكۋراتۋراسىنا جىبەرىلسىن.

4. الداعى ۋاقىتتا مۇنداي «استامشىلىقتى» قايتالاماۋ ءۇشىن كوميسسيا جۇمىسىنىڭ ناتيجەسى بۇقارالىق اقپارات قۇرالدارى ارقىلى جۇرتشىلىققا جاريا ەتىلسىن.

ن.قوشامانۇلى

Abai.kz

 

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591